D Chäässorte Bri

Bri isch d Bezäichnig für e Wäichchääs mit wissem Edelschimmel, wo us Chuemilch härgstellt wird und ursprünglig us dr franzöösische Region Brie choo isch.

Bim klassische Bri wird d Dickete weder gschnitte no bresst. D Kunst isch s ass mä dr Bruch gliichmäässig in die glöchlete Forme schöpft und ass d Molke denn guet abdröpfelet. Wemm mä nid sorgfältig schafft, chan e drocknige, chalchige und gipsäänlige Chääs entstoo. Noch em Forme wärde d Laib uf Strau- oder Kunststoffmatte glaageret und regelmäässig umdräit. Noch öbbe ere Wuche wird e Schimmelkultur (mäistens Penicillium candidum, sältener Penicillium camemberti) uf e Chääs gsprüit. Denn wärde d Laib drei bis zää Wuche witer glaageret, bis si rif si, und drbii wird Tämpratur die ganz Zit sorgfältig kontrolliert.

 Commons: Brie – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Brie_(Käse)“ vu de dütsche Wikipedia. E Liste vu de Autore un Versione isch do z finde.