Di archimedischi Schruube

En archimedischi Schruube isch e Fürderaalaag, wo e «Schnägg» in dr Form von ere Schruube e wääsentlige Däil von ere isch. Die klassischi Aawändig vo dr archimedische Schruube isch dr Dransport vo Wasser uf e hööchers Nivoo zum s Land bewässere oder entwässere. Iiri Erfindig wird em antike griechische Mathematiker und Ääscheniöör Archimedes in dr Zit vom 3. Joorhundert v. d. Z. zuegschriibe. S Brinzip vo dr archimedische Schruube wird in modärne Förderaalaage, sogenannte Schnäggeförderer, aagwändet.

S Schnäggegwind befindet sich im ene Droog oder ere Rööre, wo äng aabasst isch, und cha sich um iiri Middelaggse drülle. Dr Schnägg und dr Droog bilde Kammere, wo s Wasser in ene stoot. Die Kammere si gege oobe und gege unde dur Abschnitt vo dr Windig vom Schnäggegwind begränzt. Wenn sich dr Schnägg dräit, beweege sich alli Kammere in Richdig vom Andi vom Schnäggegwind. Dört lauft s Wasser us dr Kammere uuse, wil dr Droog ufhöört und d Kammere sich uflööst. Am Aafang vom Schnäggegwind entstoot gliichzitig e nöiji Kammere, wo sich mit Wasser us em Zuelauf uffüllt.

Die archimedischi Schruube isch e Sonderfall vom Schnäggeförderer, wil do nume d Schwerchraft middelbar usgnützt wird, zum s Fördermedium z dransbortiere. Wäge däm cha mä mit dr archimedische Schruube nume horizontal oder schreeg ufwärts fördere, wäärend Schnäggeförderer Güeter au sänkrächt chönne fördere.

• 
  Aalaag zur Förderig vo Wasser in de Niiderland
• 
  Flutter-Müüli oder Flutter in Ostfriesland zur Entwässerig
• 
  Schnäggekaskade in Südöiropa
• 
  Die archimedischi Schruube, wie si dr Von Vitruv beschriibe het
• 
  En archimedischi Schruube im Stadtpark vo Bonndorf im Schwarzwald
• 
  … und im Britzer Gaarde Berlin

• P. J. Kantert: Praxishandbuch Schneckenpumpe. Hirthammer Verlag 2008, ISBN 978-3-88721-202-5
• G. Nagel: Ritz, Handbuch der Wasserförderschnecken. 1968
• G. Nagel und K. A. Radlik: Wasserförderschnecken, Planung, Bau und Betrieb von Wasserhebeanlagen. 1988

 Commons: Archimedische Schraube – Sammlig vo Multimediadateie

• Archimedesschraube, Zulaufschnecke, Schneckenpumpe uf wasser-wissen.de
• Die Archimedische Schraube uf em Garteschaugländ z Plochinge
• Archimedische Schraube - Schneckenpumpe, Pumpensysteme zur schonenden Förderung von Wasser u. anderen Medien Beschrybig mit diverse Animatione, uf hydro-kosmos.de
• Praxishandbuch Schneckenpumpe d Website zum gliichnamige Buech

Dä Artikel basiert uff ere fräie Übersetzig vum Artikel „Archimedische_Schraube“ vu de dütsche Wikipedia. E Liste vu de Autore un Versione isch do z finde.