Oase

En Oase [oˈaː.zə] (vo altgriechisch ὄασις us em Demotische. Im Koptische, wo vom Demotische abstammt, isch wahe or ouahe as Woonblatz beläit.^[1]) isch e Vegetationsfläcke in dr Wüesti, möistens an ere Kwelle, Wasserstell oder eme Wadi. Es git groossi Underschiid zwüsche dr Gröössi und em Charakter vo de verschidnige Oase, vo chliine Däich mit e baar Palme drum ume bis zu gröössere Stedt mit Industrii- und Landwirtschaftsbedriib. Die dradizionelli Wirtschaftsform, wo verschiideni Kulturen kombiniert, isch d Oasewirtschaft. E bsundrigi Form zu Wasser z gwünne si d Qanat.

Tüpe vo Oase

Mä däilt d Oase in Grubbe ii, je nochdäm vo wo iir Wasser chunnt. Es git d Grundwasseroase, d Flusswasseroase, d Quellwasseroase, d Oase mit eme artesische Brunne und d Foggara-Oase.