Nationalroot
|
Dä Artikel behandlet de Nationalroot vo de Schwiz. Witeri bedütige findt me under Nationalrat. |
Dr Nationalroot (abgchürzt: NR) isch di gross Chammer vom Schwizer Parlament.
D Wortprotokoll werde sit 1891 im amtliche Bulletin veröffentlicht, sit 1995 äu im Internet uf dr Website vom Parlament.
Wahlverfahre
[ändere | Quälltäxt bearbeite]E Legislaturperiode duret vier Jaar. En Nationalroot oder e Nationalröti wird sit 1919 mittels Proporzwaal (nach äre Volksinitiative igfüert) gwäält. Die Kantön, wo nume ei Vertreter chönet schicke, wäälet mittels Majorzwaal. Früecher (sit 1848) hets pro 20'000 Iwohner 1 Sitz im NR gee, aber sit 1963 feschti 200 Sitz, wo uf de Bevölkerigsateil vo de Kantön verteilt werde.
E Abwaal oder en Usschluss weerend de Legislaturperiode vom ne Mitgliid isch nit müglich.
Sitzzueteilig
[ändere | Quälltäxt bearbeite]Z letscht apasst worde a de Volkszälig vo 2000:
- Aargau: 15
- Appizell Usserode: 1
- Appizell Innerode: 1
- Basel Land: 7
- Basel Stadt: 5
- Bärn: 26
- Friiburg: 7
- Gämpf: 11
- Glaris: 1
- Graubünde: 5
- Jura: 2
- Lozern: 10
- Noieburg: 5
- Nidwaude: 1
- Obwalde: 1
- Schaffuuse: 2
- Schwyz: 4
- Soledorn: 7
- Sanggalle: 12
- Tessin: 8
- Tuurgau: 6
- Uri: 1
- Waadt: 18
- Wallis: 7
- Zug: 3
- Züri: 34
Sitzverteilig nach Parteie
[ändere | Quälltäxt bearbeite]Noch de Wahle vo 2011:
- Schwizerischi Volkspartei (SVP): 54
- Sozialdemokratischi Partei vo de Schwiz (SP): 46
- FDP.Di Liberale (FDP): 30
- Christlichdemokratischi Volkspartei (CVP): 28
- Grüeni Partei vo de Schwiz (GPS): 15
- Grüenliberali Partei (glp): 12
- Bürgerlich-Demokratischi Partei (BDP): 9
- Evangelischi Volkspartei (EVP): 2
- Lega: 2
- Mouvement Citoyens Genevois: 1
- Christlichsoziali Partei Obwalde (CSP OW): 1
Nüme im Nazionalrot verträte sind folgendi Parteie:
- Schwizer Demokrate (SD) / Partei der Arbeit (PdA) / Eidgenössisch-Demokratischi Union (EDU) / SolidaritéS / Links-Alternative
Kompetenze
[ändere | Quälltäxt bearbeite]Dr Vorsitzendi vom Nationalrat isch dr Nationalratspräsident, er wird jedes Jaar noi gwällt. Er wird ou als «Höchste Schwizer» bezeichnet. Di beide Chamere National- und Ständerat sind völlig glichwertig: en Beschluss muess vo beide Rät ir gliche Fassig bestätigt werde. Chöi sich d Rät nit nach drü mal einige, muess e Einigungskonferenz iberuefe werde.
National- und Ständerat bilde zeme d Bundesversammlig.