Wilhelmbärg

Mount Wilhelm
Mount Wilhelm
Hechi	4.509 m
Lag	Papua-Neuguinea (Provinze Simbu, Western Highlands un Madang)
Gebirg	Bismarckgebirg
Dominanz	537 km → Puncak Mandala
Schartehechi	2.949 mfd2
Geografischi Lag	5° 48′ 0″ S, 145° 2′ 0″ O-5.8145.033333333334509Koordinate: 5° 48′ 0″ S, 145° 2′ 0″ O
Erschtbstygig	Augschte 1938 dur L. G. Vial un 2 Papua-Neigineer
Bsunderheite	Hegschte Bärg vu Papua-Neiginea

fffpd3pd5

Dr Wilhelmbärg (in dr lokale Sproch vu dr Kuman Enduwa Kombuglu, dt. Wilhelmsberg, ängl. Mount Wilhelm) isch mit ere Hechi vu 4509 Meter dr hegscht Bärg vu Papua-Neiginea. Är isch Dail vum Bismarckgebirg.

Am Wilhelmbärg gränze d Provinze Simbu, Western Highlands un Madang anenander.

Dr Wilhelmbärg het sy europäische Name anne 1988 iberchuu, wu dr dytsch Schurnalischt un Forschigsraiser Hugo Zöller uf s Finisterre-Gebirg sideschtli vu Madang gstigen isch un di vier hegschte Bärg vum Bismarckgebirg noch em Rychschanzler Otto Fürst von Bismarck un syne drei Chinder, Marie von Bismarck-Schönhausen, Herbert von Bismarck un Wilhelm von Bismarck, „Ottoberg“, „Mariaberg“, „Herbertberg“ un „Wilhelmsberg“ gnännt het.

Im Augschte 1938 sin dr Leigh Grant Vial, en auschtralische Regierigsbeamte,^[1] un zwee Yyhaimischi di erschte gsii, wu noowysli uf dr Bärg gstige sin.

Im Zweete Wältchrieg isch am 22. Mai 1944 e US-amerikanisch Flugzyyg vum Typ F-7A am Bärg abgstirzt.

Zwee Wäg fieren uf dr Gipfel. Dr beliebter isch dr relativ aifach Wäg vum Dorf Keglsugl an dr Stroß vu Kundiawa in dr Provinz Simbu. E zweete, schwirigere Wäg fangt im Dorf Ambullua in dr Western Highlands Province. Di bescht Johreszyt zum Bstyge vum Wilhelmbärg isch vu Mai bis Novämber.

• Mount Wilhelm bi Peakware (englisch)
• F7-A „Under Exposed“ uf Pacific Wrecks

1. ↑ Bill Gammage Vial, Leigh Grant (1909–1943) Australian Dictionary of Biography, Online Edition Band 16, Melbourne University Press, 2002, S. 449–450

Dä Artikel basiert uff ere fräie Übersetzig vu dere Version vum Artikel „Mount_Wilhelm“ vu de dütsche Wikipedia. E Liste vu de Autore un Versione isch do z finde.