Tamils

Hierdie artikel handel oor die etniese groep. Vir die taal, sien Tamil.

Die Tamils (Tamil: தமிழர், tamiẓar (enkelvoud) [t̪ɐmɪɻɐɾ], of Tamil: தமிழர்கள், tamiẓarkaḷ (meervoud) [t̪ɐmɪɻɐɾxɐɭ]) is 'n Drawidiese etniese groep inheems aan Suid-Indië en Sri Lanka wat Tamil as moedertaal praat. Hulle vorm die grootste bevolkingsgroep in die Indiese deelstaat van Tamil Nadu en die uniegebied van Puducherry asook van die noordelike en oostelike provinsies van Sri Lanka.^[13] Tamils is die grootste etniese groep ter wêreld sonder 'n eie onafhanklike land.^[14][15] Tamils vorm byna 25% van Sri Lanka (die ander 75% is Singalese in die suidelike en westelike provinsies), 5,9% van Indië, 5,8% van Mauritius, 5,7% van Maleisië en 5% van Singapoer se bevolking.

Tamils
Totale bevolking:	ca. 75 miljoen[1]
Belangrike bevolkings  in:	Indië ~61 miljoen[2]  Maleisië ~4 miljoen[3]  Sri Lanka ~3 miljoen[4]  Europa ~700 000  Verenigde Koninkryk ~300 000[5]  Verenigde State ~300 000[5]  Suid-Afrika ~250 000[5]  Kanada ~200 000[6]  Singapoer 688 591[7]  Frankryk ~125 000[8]  Réunion ~120 000[5]  Fidji ~80 000[5]  Mauritius 72 089[9]  Duitsland ~50 000[5]  Indonesië ~40 000[10]  Switserland ~40 000[5]  Australië ~30 000[5]  Italië ~25 000[5]  Nederland ~20 000[5]  Noorweë ~12 000[5]  Thailand ~10 000[5]
Taal:	Tamil
Geloofsoortuiging:	Oorwegend: Hindoeïsme Minderhede: Islam • Christendom • Djainisme • Boeddhisme
Verwante etniese groepe:	Drawide • Telugus • Kannadigas • Tuluvas • Malayalis • Indo-Ariërs • Giraavarus[11] • Singalese[12]

Wêreldwyd leef sowat 75 miljoen Tamils, waarvan omtrent 61 miljoen in Indië, byna 4 miljoen in Maleisië en meer as 3 miljoen in Sri Lanka. In Suid-Afrika leef sowat 250 000 Tamils, veral in die provinsie van KwaZulu-Natal. Hulle behoort tot die Indiese Suid-Afrikaners.