Viëtnamese

Hierdie artikel handel oor die etniese groep in Suidoos-Asië. Vir die taal, sien Viëtnamees.

Viëtnamese Kinh người Việt (𠊛越) người Kinh (𠊛京)
Totale bevolking:	ca. 99 miljoen
Belangrike bevolkings  in:	Viëtnam 94 348 835[1]  Verenigde State 1 548 449[2]  Kambodja 600 000[3]  Frankryk 350 000[4]  Kanada 220 425  Australië 210 800[5]  Republiek van China 200 000[6]  Duitsland 150 000[7]  Suid-Korea 143 000[8]  Japan 135 657[9]  Laos 100 000  Maleisië 70 000[10]  Verenigde Koninkryk 55 000–70 000[11][12]  Tsjeggië 60 931[13]  Pole 50 000[14]  Rusland 36 225[15]  Volksrepubliek China 30 000  Filippyne 27 600  Noorweë 18 333[16]  Nederland 18 000  Thailand 10 000[17]  Denemarke 8 575[12]  Switserland 8 173  Katar 8 000[18]  België 7 151[12]  Nieu-Seeland 4 875[19]  Finland 4 000[20]  Oekraïne 3 850[21]  Hongarye 3 019[22]  Slowakye 3 000[23]  Italië 3 000  Bulgarye 1 500[14]  Brasilië 1 000
Taal:	Viëtnamees
Geloofsoortuiging:	Oorwegend Viëtnamese volksgodsdiens gemeng met Mahayana-Boeddhisme. Minderhede van Christene (meestal Rooms-Katolieke) en ander groepe.[24]
Verwante etniese groepe:	Gin (ook bekend as Jing or Kinh) en Muong

Die Viëtnamese of Kinh (Viëtnamees: người Việt [ŋɨəj˨˩ viət˩], Chữ nôm: 𠊛越 of người Kinh [ŋɨəj˨˩ kiɲ˧], Chữ nôm: 𠊛京) is 'n nasie en etniese groep inheems aan Viëtnam en die aangrensende lande van Suidoos-Asië met sy oorsprong in die hedendaagse noordelike Viëtnam en suidelike China. Hulle vorm die titulêre nasie van Viëtnam en maak volgens die sensus van 1999 86% van Viëtnam se bevolking uit. Viëtnamese staan amptelik bekend as Kinh om hulle van ander etniese groepe in Viëtnam te onderskei. Die vroegste opgetekende naam vir die ou Viëtnamese blyk Lạc of Lạc Việt (Chinees: 雒越; pinyin: Luòyuè) te wees.

Hoewel Viëtnamese weens geografiese en taalwetenskaplike redes as Suidoos-Asiërs geklassifiseer word, het lang tydperke van Chinese oorheersing en invloede die Viëtnamese kultuur nader aan die Oos-Asiatiese kultuur beweeg, of meer spesifiek hul onmiddellike noordelike bure, die Suider-Chinese en ander stamme van Suid-China. Die woord Việt is verkort van Bach Việt (Chinees: 百越; pinyin: Bǎiyuè), 'n naam wat in antieke tye gebruik is. Nam beteken "suid".

In die Volksrepubliek China behoort die Viëtnamese tot een van die 56 amptelik erkende etniese groepe ("nasionaliteite") en word Gin-mense (Chinees: 京族; pinyin: Jīngzú) genoem. Hulle leef veral in die Suid-Chinese provinsie van Guangxi aan die grens tot Viëtnam.

Ná die verowering van Saigon deur die kommunistiese Noord-Viëtnam en die daaropvolgende einde van die Viëtnamoorlog in 1975 het meer as 1,5 miljoen Viëtnamese hulself in die Verenigde State gevestig, waarvan sowat 50% in die deelstate Kalifornië en Texas. Hulle vorm die vierde grootste Asiaties-Amerikaanse etniese groep na die Han-Chinese, Filipinos en Indiërs. Die Viëtnamese diaspora verwys na hulself as Người Việt Hải Ngoại (letterlik: "oorsese Viëtnamese") of Người Việt Tự Do ("vrye Viëtnamese"), terwyl Viëtnamese in Viëtnam hulle Việt Kiều (letterlik: "Viëtnamese vreemdelinge") noem.^[25]

• Wikimedia Commons het meer media in die kategorie Viëtnamese.

• Wikiwoordeboek het 'n inskrywing vir Viëtnamese.