VfB Stuttgart

VfB Stuttgart
Volle naam	Verein für Bewegungspiele Stuttgart 1893 e.V.
Bynaam/me	Die Roten Die Schwaben
Stigting	9 September 1893
Tuisveld	Mercedes-Benz Arena, Stuttgart
Kapasiteit	60 441
Voorsitter	Bernd Wahler
Afrigter	Alexander Zorniger [1]
Liga	Bundesliga
2021/22	15., Bundesliga
Tuiskleure 　 Wegkleure

VfB Stuttgart is 'n sportklub in Stuttgart, die hoofstad van die deelstaat Baden-Württemberg in Duitsland, veral bekend vir sy sokkerafdeling. Behalwe sokker, het die klub ook onder andere afdelings vir atletiek, vuisbal, hokkie, tafeltennis en sokker-skeidsregters.

Die klub se voorganger is Stuttgart FV 93, wat op 9 September 1893 gestig is as 'n rugbyklub. Die sokkerafdeling is eers in 1908 op die been gebring. In 1909 het die rugby-afdeling die eindstryd om die nasionale titel gehaal, maar met 3-6 teen FSV 1897 Hannover verloor. Op 2 April 1912 het die klub met Kronen-Club Cannstatt saamgesmelt en is die naam verander na die huidige. Laasgenoemde klub is in 1890 gestig en was ook aanvanklik 'n rugbyklub.

In 1933 is Duitse sokker geherorganiseer onder impuls van die Derde Ryk en Stuttgart is ingedeel in die Gauliga Württemberg. Die klub was baie suksesvol in die liga en het die liga in 1935, 1937, 1938 en 1943 gewen voordat die Gauliga-stelsel halfpad deur die 1944–1945 seisoen as gevolg van die Tweede Wêreldoorlog gestaak is. Die klub was egter relatief onsuksesvol by die uitspeelwedstryde om die nasionale titel.

Na die oorlog is die klub in die Oberliga Suid ingedeel. Gedurende hierdie tydperk het die klub die eerste keer vir Stuttgarter Kickers as die topklub in Stuttgart verbygesteek en ook op nasionale vlak is daar in die 1950's groot sukses behaal: Die nasionale titel is die eerste keer in 1950, asook in 1952 gewen. Die DFB-Pokal is ook in 1954 en 1958 ingepalm.

Op internasionale vlak was die klub se grootste suksesse twee UEFA Intertoto-beker-titels (2000 en 2002), asook toe die UEFA-beker- (1989) en Europese beker II (1998) eindwedstryde gehaal is.

Die klub speel sy tuiswedstryde in die Mercedes-Benz Arena, gebou in 1913.

Duitse sokkerkampioen

1949/50, 1951/52, 1983/84, 1991/92, 2006/07

DFB-Pokal

1954, 1958, 1997

UEFA Intertoto-beker

2000, 2002

UEFA-beker eindstryd

1989

Europese beker II eindstryd

1998

• Amptelike klubwerf Geargiveer 12 Januarie 2007 op Wayback Machine
• The Abseits Guide to German Soccer

	Bundesliga 2018/19-seisoen
TSG 1899 Hoffenheim - FC Augsburg - Bayer 04 Leverkusen - FC Bayern München - BV Borussia Dortmund - RB Leipzig - Eintracht Frankfurt - Hannover 96 - SC Freiburg - Hertha BSC - Fortuna Düsseldorf - FSV Mainz 05 - VfL Borussia Mönchengladbach - 1. FC Neurenberg - FC Schalke 04 - VfB Stuttgart - SV Werder Bremen - VfL Wolfsburg