Vertering
Vertering is die afbreek van groot onoplosbare voedsel-molekules in klein wateroplosbare voedselmolekules sodat dit in die waterige bloedplasma geabsorbeer kan word. By sekere organismes word hierdie kleiner stowwe deur die dunderm in die bloedstroom opgeneem. Vertering is 'n vorm van katabolisme wat dikwels in twee prosesse verdeel word gebaseer op hoe voedsel afgebreek word: meganiese en chemiese vertering. Die term meganiese vertering verwys na die fisiese afbreek van groot stukke voedsel in kleiner stukke wat later deur verteringsensiemes verkry kan word. Meganiese vertering vind plaas in die mond deur kou en in die dunderm deur segmentasiekontraksies. In chemiese vertering, breek ensieme voedsel af in die klein molekules wat die liggaam kan gebruik.
