Severn

Severn / Afon Hafren
	Severn-rivierstrand met die motorbrug Second Severn Crossing Severn-rivierstrand met die motorbrug Second Severn Crossing
	Die stroomgebied van die Severn
Oorsprong	Plynlimon, Kambriese Gebergte, Wallis
Monding	Severnmonding, Kanaal van Bristol
Stroomgebied	Wallis en Engeland, Verenigde Koninkryk
Lengte	354 km (220 myl)
Oorspronghoogte	610 m (2001 voet)
Mondinghoogte	0 m
Gemiddelde afloop	61,1 m³/s (2 160 ft³/s)
Stroomgebiedopp.	11 419 km² (4 409 myl²)
	Die Severn en sy takriviere

Die Severn (Wallies: Afon Hafren), in Engels dikwels ook die River Severn genoem, is met sowat 354 km die langste rivier in Engeland en Wallis. Dit ontspring naby die dorpie Llanidloes teen 'n hoogte van 610 m op die Plynlimon, die hoogste bergtop in die Kambriese Gebergte van Sentraal-Wallis, en digby die grens tussen die graafskappe Ceredigion en Powys.

Twee *narrowboats*, tradisionele Engelse kanaalbote, in Northwick Marina, Worcester. Die Verenigde Koninkryk se uitgebreide kanaalnetwerk vorm die basis vir 'n florerende rivierboot-vakansiebedryf

'n Baggerboot buite die stoorhuis *Llanthony Warehouse* in Gloucester wat tans die *National Waterways Museum* huisves

'n Nagtelike uitsig oor die *Gloucester Docks*. Die stoorhuise in Gloucester se rivierhawe is omgeskep tot woonstelgeboue

Brûe oor die *Severn Estuary*, die magtige Severnmonding

Severnmonding: Uitsig oor die eiland Steep Holm vanuit Clevedon, 'n kusdorpie in Somerset

Die Severn vloei daarna deur Shropshire, Worcestershire en Gloucestershire, met die county towns of administratiewe setels Shrewsbury, Worcester en Gloucester langs sy oewer. Vanaf die motorbrug Second Severn Crossing tussen Severn Beach in Suid-Gloucestershire en Sudbrook in Monmouthshire word na die rivierloop algemeen as die Severnmonding (Severn Estuary) verwys. Die rivier mond daarna in die Kanaal van Bristol uit wat op sy beurt deel uitmaak van die Keltiese See en sodoende die wyer Atlantiese Oseaan.

Die Severn het 'n opvanggebied van 11 419 km², met die Vyrnwy, Clywedog, Teme, Warwickshire Avon en Stour as sy belangrikste takriviere. 'n Gemiddelde afloop van 107 m³/s naby Apperley in Gloucestershire maak van die Severn die grootste rivier in Engeland en Wallis ten opsigte van watervloei.

Eksterne skakels

Algemene inligting

Sabrinaboat.co.uk: River Severn Fact File: Geography in Action

Watersport en navigasie

Canal & River Trust: River Severn Navigation