Nanjingmens
| |
| Algemene naam | Nanjingmens |
|---|---|
| Katalogusnommer | Nanjing 1, 2, 3 |
| Spesie | Homo erectus nankinensis |
| Ouderdom | 580 000 - 620 000 jaar |
| Plek ontdek | Jiangning-distrik, Nanjing, China |
| Datum ontdek | 1993 |
| Ontdek deur | Liu Luhong |
Die Nanjingmens (Homo erectus nankinensis) is 'n subspesie van Homo erectus wat in China ontdek is. Groot fragmente van een manlike en een vroulike skedel en 'n kiestand van H. e. nankinensis is in 1993 in die Hulugrot in die distrik Jiangning, Nanjing, gevind. Die term Nanjingmens verwys na die subspesie, maar ook na die drie fossiele. Die spesimens is in die Hulugrot van kalksteen ontdek op 'n diepte van 60-97 cm deur Liu Luhong, 'n plaaslike werker.[1] Die fossiele is sowat 580 000 tot 620 000 jaar oud.[2]
Geskiedenis
[wysig | wysig bron]In 1992 is die Hulugrot, sowat 26 km oos van Nanjing, geïdentifiseer as 'n terrein waar oorblyfsels van soogdiere voorkom, en uitgrawings is daar begin. In Maart 1993 het die plaaslike werker Liu Luhong twee gedeeltelike skedels ontdek (Nanjing 1 en 2). Eersgenoemde het die grootste deel van die gesig en 'n boonste kiestand (Nanjing 3) bevat.[1][3]
Dit het geblyk die Hulugrot is gebruik rofweg dieselfde tyd as die Zhoukoudiangrot naby Beijing, die tuiste van die Pekingmens. Datering in 2001 het daarop gedui die fossiele is minstens 580 000 jaar oud. Dit was 270 000 jaar ouer as wat voorheen vermoed is. Die tand was net 400 000 jaar oud, maar dit het vermoedelik met die dateringsmetodes te doen gehad. Verskillende metodes het verskillende resultate opgelewer.[4]
Die fragmente word uitgestal in die Homo erectus-fossielmuseum in Nanjing, saam met opvoedkundige materiaal oor die Nanjingmens en die kolonisasie van China deur Homo erectus.[5]
Verwysings
[wysig | wysig bron]- ↑ 1,0 1,1 W. Rukang, L. Xingxue, "Homo erectus from Nanjing", PaleoAnthropology, 2003. 6 September 2017.
- ↑ J. Zhao, K. Hu, K. D. Collerson, H. Xu, "Thermal ionisation mass spectrometry U-series dating of a hominid site near Nanjing, China" Geargiveer 8 September 2017 op Wayback Machine, Geology, 2001. 6 September 2017.
- ↑ Liu, Wu; Zhang, Yinyun; Wu, Xinzhi (2005). "Middle Pleistocene human cranium from Tangshan (Nanjing), Southeast China: A new reconstruction and comparisons with Homo erectus from Eurasia and Africa". American Journal of Physical Anthropology (in Engels). 127 (3): 253–262. doi:10.1002/ajpa.20066. PMID 15584056.
- ↑ Y.Wang, C. Hai, C. Luo, Y. Xia, J. Wu, J. Chen, "TIMS U-series ages of speleothems from the Tangshan caves, Nanjing", Chinese Science Bulletin, 1999. Besoek op 6 September 2017.
- ↑ "Tangshan Homo Erectus Fossil Museum". The Najinger. 14 Augustus 2014. Geargiveer vanaf die oorspronklike op 8 September 2017. Besoek op 6 September 2017.
Skakels
[wysig | wysig bron]Hierdie artikel is in sy geheel of gedeeltelik uit die Engelse Wikipedia vertaal.
