George H.W. Bush

George Herbert Walker Bush
41ste President van die Verenigde State
Ampstermyn	20 Januarie 1989 – 20 Januarie 1993
Voorganger	Ronald Reagan
Opvolger	Bill Clinton
Geboortedatum	(1924-06-12)12 Junie 1924
Geboorteplek	Milton, Massachusetts
Sterftedatum	30 November 2018 (op 94)
Sterfteplek	Houston, Texas
Eerste Dame	Barbara Bush (1945–2018; haar dood)
Politieke party	Republikein
Visepresident	Dan Quayle
Handtekening

George Herbert Walker Bush (12 Junie 1924 – 30 November 2018) was 'n Amerikaanse politikus van die Republikeinse Party. Hy het van 1989 tot 1993 as die 41ste president van die Verenigde State van Amerika gedien.

In die Tweede Wêreldoorlog was hy 'n vlieënier. Sy Avenger-torpedobomwerper is oor die Stille Oseaan afgeskiet, maar hy is deur 'n Amerikaanse boot opgepik.

Hy word veral onthou vir sy belofte voor die presidentsverkiesing dat hy nie belasting sou verhoog nie. Sy woorde was: "Read my lips — no new taxes". Nadat hy president geword het, het hy wel sommige belastings verhoog.^[1] Sy presidentskap word ook onthou vir die Golfoorlog teen Irak in 1990–1991.

Ná sy presidentskap het hy homself grotendeels van die openbare lewe onttrek. Hy is die vader van die 43ste Amerikaanse president, George W. Bush. George H.W. Bush is net enkele maande na sy vrou, Barbara Bush, op 30 November 2018 oorlede.^[2]

• Wikimedia Commons het meer media in die kategorie George H.W. Bush.
• (en) Lewensbeskrywing Geargiveer 17 Januarie 2009 op Wayback Machine