Bulhoek

Bulhoek is 'n geskiedkundige plaas in die Oos-Kaap, Suid-Afrika.

Op hierdie plaas het Elsie Steyn, pres. Paul Kruger se moeder, haar jeugjare deurgebring. Ná haar huwelik met Casper Kruger in September 1820 het die egpaar van tyd tot tyd hier gewoon. Volgens oorlewering is Paul Kruger op 10 Oktober 1825 hier gebore.

Elsie Kruger se broer A.P.J. Steyn was die siel van die onderneming om 'n dorp en gemeente van die Gereformeerde Kerk in die omgewing van Steynsburg gestig te kry. Die dorp Steynsburg en Gereformeerde kerk Steynsburg is dan ook na hom genoem.

• (af) Van der Vyver, G.C.P. en Jooste, J.P. 1972. In: Gereformeerde Kerk Steynsburg 1872–1972. Steynsburg: Gereformeerde Kerkraad.