Ahmoses I

Ahmoses I
Ook Amosis, Ahmozes
’n Stuk van ’n beeld van Ahmoses I in die Metropolitan Museum of Art.
Farao van die 18de Dinastie
Periode	Omstreeks 1539-1514 v.C.
Voorganger	Kamose
Opvolger	Amenhotep I
Vader	Seqenenre Tao
Oorlede	Omstreeks 1525 v.C.
Ahmoses I in Egiptiese hiërogliewe
Serech of Horusnaam Nebty-naam Goue Horus-naam Praenomen of troonnaam Nomen of geboortenaam
Portaal    Antieke Egipte

Ahmoses I was ’n farao van Antieke Egipte en die stigter van die 18de Dinastie. Hy was lid van die Thebaanse koningshuis: die seun van farao Seqenenre Tao en die broer van die laaste koning van die 17de Dinastie, Kamose. Tydens die bewind van sy pa of oupa het Thebe in opstand gekom teen die heerskappy van die Hyksos, die heersers van Benede-Egipte. Toe hy sewe jaar oud was, is sy pa vermoor,^[1] en hy was omtrent tien toe sy broer ná ’n bewind van net drie jaar aan onbekende oorsake dood is.

Ná die dood van sy broer het Ahmoses farao geword.^[2] Hy het die Hyksos verslaan en uit die Nyldelta verdryf, die Thebaanse bewind oor die hele Egipte herstel en die Egiptiese mag hervestig in die voormalige Egiptiese gebiede Nubië en Kanaän.^[3] Hierna het hy die land se administrasie gereorganiseer, steengroewe heropen, myn- en handelsroetes herstel en enorme bouprojekte begin aanpak waarvan die omvang laas in die Middelryk gesien is. Hy het onder meer die laaste piramide deur ’n plaaslike farao laat bou.

Ahmoses se bewind het die fondamenst gelê vir die Nuwe Ryk, waartydens Egiptiese mag ’n hoogtepunt bereik het.

• Ahmose URL besoek op 19 Julie 2006.
• King of the Wild Frontier Geargiveer 14 Augustus 2006 op Wayback Machine URL besoek op 23 Augustus 2006
• Wikimedia Commons het meer media in die kategorie Ahmoses I.
• Hierdie artikel is vertaal uit die Engelse Wikipedia