Coscoroba-swaan
| Coscoroba-swaan | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Coscoroba Reichenbach, 1853
|
| Spesie: | C. coscoroba
|
| Binomiale naam | |
| Coscoroba coscoroba (Molina, 1782)
| |
Die Coscoroba-swaan is 'n watervoël wat in Suid-Amerika voorkom. Dit is egter nie 'n ware swaan nie en word tans onder sy eie genus, Coscoroba, geplaas, in plaas van onder Cygnus, saam met die ander swane.
Coscoroba-swane lyk ook meer op fluiteende as swane, met sy kleiner bou en korter nek. Volwasse voëls is redelike groot, tussen 87 en 113 cm, met 'n massa tussen 3,2 en 3,6 kg. Hulle het 'n spierwit veredos met 'n helderpienk eendagtige snagwel en gewebde pote.
Hulle word in Tierra del Fuego, Argentinië, Chili, Uruguay, Paraguay en Brasilië aangetref. Hul habitat bestaan uit die mere en moeraslande van hierdie gebiede.
Hul dieet bestaan hoofsaaklik uit waterplante en lêkorrels vir hoenders of eende, asook drywende korrels. Daarnaas sal hulle ook waterinsekte, klein vissies (of viseiers) en selfs klein skulpdiertjies vreet.
Die Coscoroba-swaan maak 'n buitengewone roepgeluid, bestaande uit vier harde note wat geleidelik sagter geroep word. Hulle maak ook 'n harde "kos-kor-oe" geluid, wat tot hul naam gelei het.
Paartjies broei die hele jaar deur. 'n Broeisel bestaan uit 4-7 eiers en daar is al aantekening gemaak van een broeipaar wat 18 kuikens uit drie broeisels grootgemaak het. Die buitengewoon hoë nes word van strooi gebou. Die wyfie lê telkens vier tot sewe eiers wat na 34 tot 36 dae uitbroei. Na twee tot drie jaar is die kuikens self broeigereed. Coscoroba-swane het 'n moontlike lewensduur van 36 jaar.
Alhoewel die bevolkings van hierdie voël geensins volop is nie, word die Coscoroba-swaan nie as 'n bedreigde spesie dier beskou nie. Die voortdurende verlies van hul habitat is hul ernstigste bedreiging.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronnelys
[wysig | wysig bron]- Hilko Insel, (2005): Eksotiese Watervoëls. LAPA Uitgewers, Pretoria. ISBN 0799334286
- Animal Bytes: Coscoroba Swan Geargiveer 20 Junie 2010 op Wayback Machine, by www.seaworld.org. Besoek op 11 Mei 2010.