Hermes
| Hermes | |
|---|---|
| Griekse Olimpiese god | |
 | |
| Naam | Hermes |
| God van | handel, diewe, reisigers, sport; boodskapper van die gode |
| Blyplek | Die berg Olimpus |
| Simbool | Boodskapperstaf, sandale met vlerke, skilpad |
| Ouers | Zeus en Maia |
| Kinders | Eros, Pan, Hermafroditos, Tyche, Abderos, Autolukos |
| Romeinse eweknie | Mercurius |
Hermes (Grieks: Ἑρμῆς) is in die Griekse mitologie die groot boodskapper van die gode asook ’n gids na die onderwêreld. Hy was een van die twaalf Olimpiese gode wat op die berg Olimpus gewoon het. Hermes was die beskermer van grense en van die reisigers wat hulle oorgesteek het, van herders, diewe, leuenaars letterkunde, atlete, handel, en mate en gewigte.[1]
Sy simbole sluit in die skilpad, sandale met vlerke, haan en boodskapperstaf. Sy eweknie in die Romeinse mitologie was Mercurius.
Hermes het boodskappe van die Olimpiese gode na die mens gebring; hy het skoene met vlerke gedra sodat hy tussen die twee wêrelde kon rondvlieg. Hy het ook as gids opgetree vir afgestorwenes na die onderwêreld. In baie Griekse mites was hy die enigste god naas Hades, Persefone, Hekate en Tanatos wat die onderwêreld ongehinderd kon binnegaan en verlaat.
Hy was die seun van Zeus die Plejade Maia, ’n dogter van die Titaan Atlas.
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Hermes
- ↑ Walter Burkert, Greek Religion 1985 seksie III.2.8; "Hermes." Geargiveer 2 Oktober 2020 op Wayback Machine Encyclopedia Mythica van Encyclopedia Mythica Online. URL besoek op 4 Oktober 2006.
- Burkert, Walter, 1985. Greek Religion (Harvard University Press)
- Kerenyi, Karl, 1944. Hermes der Seelenführer.
