Surat Saba'

Saba' سبا
Hareutoe
Hareutoe nan surat	Kawôm Saba'
Kawan surat	Makkiyah
Surat keu-	34
Juz keu-	Juz 22
Asoe	QuranAcademy.org
Keunira
Jeumeulah ruku'	6 ruku'
Jeumeulah ayat	54 ayat

Surat Saba' (bahsa Arab: سبأ‎, Saba' , Kawôm Saba' ) nakeuh surat keu-34 lam Al-Qur'an nyang jeumeulah ayatjih 54 ayat. Asoe surat nyoe geuriwayat bhah kawôm Saba'. Kawôm nyan nakeuh saboh kawan nibak kabilah Arab nyang geuduek bak saboh da'irah nyang jinoe ka jeut keu nanggroe Yaman. Kawôm nyan jipeudöng saboh keurajeuen nyang nanjih Keurajeuen Saba' nyang nan nanggroejih Ma'rib. Allah neupeuancô kawôm nyan saweub hana seumatéh ngön risalah nyang geumèe lé rasul bak masa nyan. Bala nyang neubri nakeuh ie rayek nyang asaijih nibak Bendungan Ma'rib, saboh bendungan nyang jipeugöt keu peumakmue ban dum ra'yat keurajeuen nyan.

• Meuiman

1. 'Èleumèe Allah rôh ban dum peuneujeutneuh nyang na di langèt ngön di bumoe.
2. Uroe kiamat nyo nakeuh haba beutôi nyang biet-biet akan jiteuka.
3. Nabi Muhammad ﷺ nakeuh sidroe rasul nyang bri peuringatan keu umatgeuh.
4. Bak uroe kiamat, patông-patông nyang nyang jiseumah hana jimèe manfa'at meubacut pih.

• Riwayat

1. Nabi Daud ngön Nabi Sulaiman a.s.
2. Kawôm Saba'

• La'én-la'én

1. Timplak keu ureueng-ureueng nyang seumah patông.
2. Sikap ureueng musyrék watèe jideungö Al-Qur'an.
3. Rasul-rasul nyan hana geulakèe upah bak geuda'wah.
4. Ureueng-ureueng musyrék jimeudo'a keu Allah mangat geupeuriwang ureueng nyan u dônya mangat jipeubuet peu nyang geuyue ngön peutinggai nyang geuteugah.
5. Ureueng nyang udépgeuh meuleubèh-leubèh sabé geupeujeut nabi keu musôhgeuh.

Wikisource na naseukah nyang meuhubông ngön teunuléh nyoe: Surat Saba'