Salvador Allende
Salvador Allende Gossens i-su (1908 nî 7-goe̍h 26 – 1973 nî 9-goe̍h 11) sī Chile 1970 nî kàu 1973 nî ê chóng-thóng. I chú-chhî ê chèng-hú pī kun-hong hoat-tōng ê chèng-piàn thui-hoan. I tī khong-kun kong-kek chóng-thóng-hú ê kî-kan sí-bông. Allende sī hit kok tē-1-ūi bîn-soán--chhut-lâi ê Marx-chú-gī chóng-thóng.
1970 hit nî, tng sī chó-phài chèng-tóng liân-bêng thâu-lâng ê Allende tī chóng-thóng tāi-soán sió-iâⁿ kî-thaⁿ 2-ūi hiō-soán-jîn. I ê Jîn-bîn Thoân-kiat (Se-pan-gâ-gí: Unidad Popular) tīn-iâⁿ ê sêng-oân pau-koah Siā-hōe-tóng (Partido Socialista de Chile), kiōng-sán-chú-gī hūn-chú, kî-thaⁿ ê kip-chìn hūn-chú, kap Ki-tok-kàu Bîn-chú-tóng tóng-lāi ê ī-gī hūn-chú. Allende ê chèng-chhek pau-koah chìn-1-pō· chiong sán-gia̍p kok-iú-hòa, pau-koah Bí-kok châi-thoân tī Chile tâu-chu ê tâng-khòng. Thó·-tē mā beh têng-sin hun-phòe.
 | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |