茶餐係指正餐之外嘅一餐，包括小食同嘢飲，嘢飲傳統上會配奶茶，所以叫茶餐。皆因茶餐通常喺食晏同晚餐之間嘅晏晝時份食，所以又叫下午茶或者晏晝茶。
傳統英式茶餐係會用一個三層架裝住小食，包括三文治、士乾餅、蛋糕等等，會喺矮檯度嘆，所以叫Low Tea。
另外低下階層喺接近俟晚時間先至食茶餐，會喺高檯度嘆，所以叫High Tea。
傳統港式茶餐多數由茶餐廳同港式快餐店賣，種類好豐富，譬如西多士、炸雞脾、炸雞翼、炸薯條，波蘿油，亦可以揀三文治、多士、湯粉麵等等。
英式茶餐
