白鯨

  想搵第二個意思嘅話，請睇白鯨 (搞清楚)。

請撳 Wikipedia:翻譯/白鯨，去整翻譯請求。(翻譯指引)

白鯨
同人嘅身型比例
瀕危指標
最唔使理（Least Concern） (LC)[1]
物種分類
界 動物界 門 脊索動物門 綱 哺乳綱 目 鯨目 亞目 (Subordo): 齒鯨亞目 科 一角鯨科 屬 Delphinapterus 種 D. leucas
二元學名
Delphinapterus leucas (Pallas, 1776)
白鯨嘅分佈

白鯨（學名 Delphinapterus leucas，英文名 Beluga），早期捕鯨人將佢叫做「海中金絲雀（sea canary）」，係一種鯨魚，以多變化嘅叫聲同臉部表情豐富著名。白鯨廣泛分佈北極同亞北極地區，自古以嚟佢哋一直係北極地區人類社會嘅重要商品，為當地原住民提供食物、燃油、皮革等物資。佢哋嘅活力同適應力、特殊嘅外貌、易受吸引嘅天性、以及可接受訓練等因素，令佢成為海洋世界嘅明星之一。有幾群白鯨集中地已成為出名嘅賞鯨聖地，包括加拿大東部嘅聖勞倫斯河下游同哈德遜灣西部嘅邱吉爾河河口。白鯨嘅潛水能力相當強，對於北極嘅浮冰環境有良好嘅適應力。

白鯨一般出生時身長1.5 - 1.6米，重80 - 100公斤。白鯨公成體最大可長達4.2 - 4.9米，重達1,100 - 1600公斤，而白鯨乸成體最大可長達3.9 - 4.3米，重達700 - 1,200公斤。白鯨一般至少有25年命，有啲重可達50年以上。

白鯨嘅身體中央橫斷面大致呈圓型，由兩端開始逐漸變細，當佢哋搵食嗰陣，身體會變得肥啲圓潤啲。白鯨嘅頭部同其他鯨目完全唔同，額隆（melon）極為鼓起而突出，曾經有學者形容為「充滿溫暖油脂的氣球」（a balloon filled with warm lard）。白鯨依個可以自由改變額隆嘅形狀，推測可能係藉著移動內部氣竇（sinus）嘅空氣嚟產生形狀上變化。因為佢哋嘅頸椎癒合程度比其他鯨目嚟得低，所以能以較大嘅幅度轉動頭部或點頭，所以佢亦都係鯨豚類當中唯一可以轉頭品種。嘴短而寬，唔似得海豚咁有突出嘅嘴喙（beak），嘴部可產生皺摺。腹部同側面都凹凸不平，內部充滿脂肪。無背鰭，但係背鰭位置有狹窄嘅背部隆起。胸鰭寬闊，白鯨公嘅胸鰭尖端上翹。尾鰭會隨年齡增長而變得華美，成年雄鯨喺後緣有明顯如凸面鏡般嘅凸起。上、下顎各有八至九似釘狀嘅牙齒，但年老個體有時會磨損至隱沒於牙根之下。 年輕白鯨渾身呈灰色，隨著年齡增長而逐漸轉淡，最終除了背脊同胸、尾鰭邊緣有暗色沉積外，全身皆為白色。成鯨嘅白色皮膚有時會喺夏天發情時帶有淡黃色色調，但喺蛻皮（molt）後即消失。

一條喺加拿大哈德遜灣邱吉爾河河口嘅白鯨大致呈環北極區分佈，主要集中於北緯50度至80度之間。白鯨有高度嘅戀出生地性（philopatry），會有每年回到當初母鯨生產嘅地方習性，喺鯨乸身上尤其明顯。到咗秋天，白鯨因為浮冰層擴張嘅關係會遠離海灣同河口，冬天主要喺冰層邊緣或僅有少量浮冰嘅開闊海域形成大群體。佢哋無論係喺容易擱淺嘅河口，或者中深層海域嘅海溝皆可以自由自在咁游，估計可潛至800公尺深處。

白鯨具高度群居性，會形成個體間聯繫極為緊密嘅群體，通常由同一性別同年齡層嘅白鯨所組成，另外亦都有規模較細嘅母子對白鯨族群。喺無獵人或天敵威脅時，喺河口三角洲水域出現嘅白鯨可聚集達數千頭以上。白鯨可發出多種變化多端嘅聲音，包括旋轉顫音、嘎嘎叫、似鐘聲、尖銳嘅啪啪聲（可能由拍擊顎部所產生) 、同近似推動生銹門板嘅聲音。一位早期嘅鯨類學者Bill Schevill就曾經咁形容佢哋：「高音嘅共鳴哨聲同尖叫，多變嘅滴答聲同咯咯聲，令人聯想到一隊交響樂隊，有時又有如貓叫或小鳥嘅啁啾聲。」佢哋嘅聲音有時會令人誤以為遠方有一群小孩喺度叫。對野生白鯨而言，最大嘅天敵係殺人鯨同北極熊，當然包括埋人類。北極熊會好快咁跑到白鯨被困於冰層嘅地區，用強力嘅前掌給予重擊後再將佢哋拖上冰上食，所以白鯨嘅身體時時可見到有傷痕。白鯨係相當好奇嘅動物，時時會浮窺（spyhopping）同鯨尾擊浪（lobtailing），但似乎從來無躍身擊浪（breaching）。充滿霧氣嘅噴氣（blow）低矮而唔明顯。

繁殖期會隨所處地區而有唔同。普遍嚟講，受孕多發生喺冬末或夏季，阿拉斯加（Alaska）族群為二月底至四月初；東加拿大同西格陵蘭島（Greenland）族群為五月。根據可信嘅統計資料顯示，懷孕期可能不足一年至14.5個月咁耐。白鯨嘅哺育期長達兩年，之後仍會留喺亞媽身邊相當長嘅時間。生殖間隔平均約為三年。

白鯨嘅食性係隨著地區同季節性獵物嘅數量而有唔同。檢測各地區族群嘅胃內容物發現，白鯨會食用各種生物，包括魚（鮭魚、鱈魚、鯡魚等）、頭足類（魷魚、章魚等）、甲殼類（蝦、蟹）、海蟲、甚至大型浮游生物在內。佢哋幾乎都喺海床度揾食，深度至少達300公尺以上。白鯨具有摺皺嘅嘴脣喺搵食時可產生吸力，也能對海洋世界嘅觀眾噴水。

國際保育聯盟估計，現時全球大約有15萬條白鯨，但部分地區例如阿拉斯加、加拿大白鯨數量面臨絕種威脅。中國嘅水族館對白鯨嘅需求亦愈來愈大。根據國際鯨豚保育協會資料所得，全球29群白鯨當中只有4群嘅數量屬穩定，俄羅斯現時每年容許捕捉逾千條白鯨，當中唔少地區仍未對白鯨數量同生存狀況展開調查。

香港海洋公園曾經喺發展藍圖裏面提及引入白鯨，但好快被多個綠色團體反對。

• 
  一群白鯨
• 
  白鯨游水
• 
  Belugas near Anchorage
• 
  Captive beluga spyhopping
• 
  Beluga mother and calf swimming
• 
• 
• 
• 
• 
  維珍利亞水族館嘅白鯨
• 
  1998年白鯨郵票

• Pieter A. Folken, Randall R. Reeves, etc. / illustrated by Pieter A. Folkens, 《Guide to MARINE MAMMALS of the World》,Alfred A. Knopf, 2002: p318-321. ISBN 0-375-41141-0
• Mark Carwardine / illustrated by Martin CammDorling, 《WHALES, DOLPHINS AND PORPOISES》, Dorling Kindersley, 1995: p92-95. ISBN 0-7513-2781-6
• 馬克‧卡沃達著；馬丁‧卡姆繪圖；陳順發翻譯，《鯨與海豚圖鑑》，貓頭鷹出版社，1997 [民86]： 92-95頁。ISBN 957-9684-16-2
• 明報（2005年7月7號）有關「反對飼養鯨豚類」嘅報導

呢篇同哺乳動物相關係楔位文。歡迎幫維基百科擴寫佢。 睇 • 論 • 改 • 歷

1. ↑ Cetacean Specialist Group (1996). Delphinapterus leucas. 2006 IUCN Red List of Threatened Species. IUCN 2006. Retrieved on 2007-12-21.