林哲玄

  提示：呢篇文講嘅唔係林哲。

林哲玄（英文：David Lam），係香港建制陣營（專業界親中派）政治人同外科醫生^[1]，天津市政協委員^[2]，「醫護誠信同行」主席，現任香港立法會議員（醫療衛生界功能界別）。

佢支持23條立法，曾經喺香港修例風波期間支持香港警察，又喺新冠肺炎疫情初期反對醫護為爭取封關而罷工^[3]。佢認為作為醫護人員，應堅守全心照顧病人嘅誓言，底線係唔好影響對病人嘅照顧。佢曾經質問一啲醫護人員，係咪唔夠防護裝備就可以落更唔使理，當時就畀杏林覺醒成員、立場偏黃的公立醫院心臟科專科醫生黃任匡反駁，話醫護人員保護自己乃係專業操守，爭取防護裝備旨在保護病人，而防備唔足夠，責任在於政府。正如地盤工人開工時冇頭盔戴，鑽地工人開工時冇護耳罩，大家亦唔會怪責工人。黃任匡又批評，林哲玄噉樣係抹黑同業、逼害港人^[2]。

醫療議題方面，佢曾經話要推動醫療重返社區，畀醫院專責專科工作^[4]，又支持引入包括中國大陸在內嘅海外醫生^[5]。

喺2021年9月，佢成為香港特别行政區選舉委員會醫學及衞生服務界委員^[6]。

2022年，佢喺李家超無提政綱嘅情況下，有份提名李家超參與2022年香港行政長官選舉^[7]。

林曾經做過美國外科醫學院嘅會員，但隨著西方國家關注中國人權問題，美國實行咗一連串對中國嘅制裁，林喺2022年9月22號被學院以佢係中國公民為理由，拒絕續佢嘅會員身份，以符合美國方面制裁嘅命令。無耐後，林喺Facebook發曬老脾話係美國將佢踢出醫學院，話人美國「虛偽」，而且聲稱自己會同有關方面「劃清界線」咁話。^[8]

• 林哲玄嘅官方網站
• 〈香港特別行政區立法會 -林哲玄議員〉 (繁體中文)。香港特別行政區立法會。
• 〈香港特別行政區立法會 - 議員資料庫〉 (繁體中文)。香港特別行政區立法會。