天子係中國統治者嘅頭銜之一，自周朝以來對最高君主嘅尊稱。原意係：君主係上天個仔，代表中國君主自認佢權力來源係上天。秦始皇開始，中國統治者都會掛上皇帝頭銜，但仍然會叫天子，類似於外族單于等稱號。
皇帝嘅命令又叫「聖旨」，而眾所周知喺明清兩朝使用嘅「奉天承運皇帝」一辭，彰顯咗君主權力受命於天嘅淵源，認為係君權神授。「天」意思係「天帝」或者「上帝」。
