含糊

含糊（粵拼：ham4 wu4；英文：vagueness），或者叫意思模糊，係指一個字詞以至一句語句冇咩明確嘅意思可言，通常會搞到對話雙方無法進行有意義嘅討論。含糊相關嘅課題，哲學同語言學都不時會講到。

好多科學概念本質上都係模糊嘅，例如生物學嘅物種概念就冇辦法精確定義，因為是但搵個生物群體，佢哋都會係噉進化，而且仲有可能出現環狀物種噉嘅現象。物種呢個概念只係「喺大多數情況下」都可以清楚應用到。諗下喺狗同狼交配而生出嚟嘅子代：佢哋係狗定係狼呢？呢條問題就唔係好清楚：佢哋係狗嘅邊緣情況。噉就表示人類對狗嘅概念唔清晰，冇辦法做出確切嘅判斷。

快思邏輯嗰套諗法主張要喺「完全錯誤」同「完全正確」之間設立一個漸變嘅過渡。例如「劉德華係禿頭」就係「完全錯誤」，而「曾志偉係 1.59 米咁高」就係「完全正確」。喺普通邏輯入面，只有真同假兩種真值。但快思邏輯嘅角度就唔同，引入咗無限咁多個可能嘅真值，介乎完全真同完全假之間。完全真可以用 1 表示，完全假就用 0 表示。邊緣情況嘅真值可以係 0 到 1 之間嘅任何數值，例如 0.6 ^[1]。

• 定義
• 語義
• 模糊限制語