Wikipedia:孤兒文

  想搵點樣開連結，請睇「Help:連結」。

喺維基行話入面，一篇孤兒文 (英文：Orphan) 係一篇冇其他文連入去佢嗰度嘅文。即係話，除咗直接喺網上揾呢篇文之外，讀者係唔能夠由其他文度，撳個掣嚟轉入呢篇文；咁樣會令到呢篇文嘅收視率低好多，因為令讀者好難接觸到佢。

孤兒文一般有幾種程度：

• 孤兒文 (英文：Orphaned article)：最嚴格嘅意思，就係冇任何其他文連去佢嗰度，係真正嘅孤兒
• 隔絕文 (英文：Isolated article)：呢種文有其他版連去佢度，但係唔能夠由頭版連接去得到
• 密封花園 (英文：Walled garden)：有文連去佢度，但係全部都係一班文自己連住自己，變咗係一咋文同其他文隔絕，所以好似一個密封嘅花園咁
• 孤兒項目 (英文：Orphaned project page)：維基入面嘅專題如果冇任何版連去佢度，就同樣係孤兒
• 孤兒相 (英文：Orphaned image)：如果維基入面嘅相冇喺任何其他文度用佢，就係屬於孤兒

下面係解決孤兒文呢個問題嘅程序：

1. 喺Special:無鏈頁面度睇哂所有孤兒文，跟住揀篇嚟做
2. 喺嗰篇文度，去左邊撳個「有乜連過來」嘅掣，嚟先肯定嗰版真係冇其他版拎入去
3. 肯定咗係孤兒之後，就可以用幾個方法嚟揾適合嘅文嚟加連結：
   1. 去左邊撳個「連結頁嘅更改」嘅掣，睇下有關嘅版面嘅改動
   2. 去篇文嘅最底，睇下其他喺同一個分類嘅文
   3. 去篇文嘅右上角，喺個搜尋器度打篇孤兒文嘅名，睇下有冇咩文有提及到佢
4. 揾到之後，就可以去有適合關係嗰篇文度，照住Help:連結嘅指引嚟加內部連結，令篇文唔再係孤兒
5. 最後，喺加咗連結之後，如果篇孤兒文本身有個{{Orphan}}嘅模，就可以拎走佢