《香港01》（英文：HK01）係香港新聞媒體，2016年1月成立，主要搞網上新聞，2016年3月11號創辦同名周報《香港01》，逢禮拜五出版。創辦人係做過《明報》老闆嘅于品海，編採成員多數由《明報》、《明報周刊》、《南華早報》、《壹周刊》等等媒體過檔。佢嘅宣傳口號係「社會撕裂 大家都輸 是時候改變了」（粵文意思：係時候改變喇）。立場親中共。
除咗媒體業務之外，《香港01》搞埋個外賣自取平台，叫「e肚仔」。
