蓬金鐵
閱讀設定
蓬金鐵(泰文 : โผน กิ่งเพชร,英文 :Pone Kingpetch,原先個名係:馬拉·絲多拔,มานะ สีดอกบวบ)係泰王國嘅第一個世界拳王,渠1935年2月12日生響班武里府華欣。少年時,響曼谷隆賓尼大拳場學拳術,得到名師指點,進步好快,十九歲就摞咗泰國嘅青年拳擊冠軍,1960年渠挑戰第一次世界次輕量級冠軍阿根廷嘅巴斯高·彼瑞斯(Pascual Pérez)就擊敗對手,得咗世界輕量級拳王,收尾渠三次對陣日本拳手原田政彥,初戰失利,但係渠冇喪氣到,再戰擊敗對手,一時響拳壇傳作佳話。
到咗1965年,渠正式挂埋拳套,告別咗職業選手生涯,開辦武館教徒弟,培育咗一班泰國年輕嘅拳擊好手。點知1982年蓬金鐵響曼谷英年早逝,得四十七歲。渠嘅家鄉人冇唔記得渠,而家喺華欣市個市中心仲有「蓬金鐵公園」,入邊最為顯眼就係渠嘅紀念碑,頂上個銅像表現渠比賽得勝之后極度興奮,響度振臂高呼,激勵后世人要為國爭光。