文白異讀

文白異讀（粵拼：man4 baak6 ji6 duk6）係一個中文字兩款（甚至乎更多）讀音嘅特有情況：文讀同白讀。唔同地方嘅漢語都有呢個情況^[1][2][3]。

北方話由於地理嘅關係，發音會追貼中原標準音，所以文白異讀嘅情形比較輕微。好似北京土話個「薄」字有文讀 bó（漢語拼音）同白讀 báo 兩個音。南方嘅漢語分支（例如粵語、客家話、吳語、閩南話）由於歷史、地理同中原相隔遠啲，響口語裏面保存咗好多古音，而讀書人就時不時將啲中原音以文讀音嘅方式帶入呢啲語言，造成好多文白異讀^[4]。好似粵語個「浮」字，文讀 fau⁴（粵拼，下同），白讀 pou⁴。

簡單來講，文讀音通常用喺書面語同正式嘅場合。白讀音就喺一般口頭場合使用。不過，實際上，幾時用文讀音，幾時用白讀音，要視乎個別詞言而定。通常啲來自遠古嘅成語、用語，都會保存古舊啲嘅白讀音，而新造啲嘅詞，就會用文讀音來讀。好似「婦」字咁，響「新婦」呢個詞裏面，用白讀音 pou⁵，但係用響其他詞語，一律用文讀音 fu⁵，唔可以隨意撈亂。

廣州話主要有以下幾種異讀：

• 脣音字白讀重脣音（幫組）、文讀輕脣音（非組）
• 疑母字白讀保留疑母、文讀成以母/j/

• 梗攝白讀音韻母主元音舌位比文讀音低
• 端組果攝字白讀音韻母主元音比文讀音前

• 中古全濁上聲字今白讀聲母送氣並保留濁上（陽上）調、文讀聲母不送氣且併入濁去（陽去）調

當中韻母同聲調異讀都規律，但聲母異讀毋太規律，除唨聲母毋同，韻母都毋同。文、白兩音有時會分毋同語意，如單字詞「平」用文讀音[pʰɪŋ˩]（ping4）解表面平坦無凹凸；用白讀音[pʰɛŋ˩]（peng4）就解價錢低廉，「貴」嘅相反。由下表可見，最常見嘅異讀係梗攝異讀。

例：

呢個表唔完整，歡迎加料。

客家話一啲文白異讀嘅例子：

• 粵語嘅文白異讀 學起嚟都幾頭暈
• 雙層語言
• 訓讀