Ebola-uutbraek in West-Afrika in 2014

In 2014 brak in West-Afrika een epidemie van ebola uut. Ebola is een ernstige besmettelijke virusziekte die wordt veroorzaekt deu het ebolavirus. De mortaliteit is 'oôg. Op 5 jannewari 2015 waere d'r meer as 8000 mensen an overleje.

Op 25 maerte 2014 rapporterende de WHO dat het ministerie van Volksgezondeid van Guinee ebola in vier districten in het zuudoôs'n van het land 'ao vastesteld, mie verdachte gevallen in de buurlan'n Liberia en Sierra Leone. Op 14 oktober 2014 was de epidemie verspreid over drie lan'n: (Guinee, Liberia en Sierra Leone). Vuuf lan'n (Senegal, Nigeria, Spanje, Vereênigde Staeten en Mali) 'ao incidentele gevallen.

De uutbraek van ebola in Congo mie 68 besmettingen (wivan 49 doôden), vastgesteld op 9 oktober 2014, valt buuten deze epidemie.

De uutbraek van 2014 begon bie een jongetje van tweê jaer oud en um z'n moeder uut Meliandou in de Guinese rehio Guéckédou op 2 december 2013. Kort dirop overleje z'n zusje en groôtmoeder.^[1] D'r wordt in die rehio vee uut het bos gegeten, het zou kunne dat vleermuuzen de bron van besmetting bin.

In maerte 2014 stierven zeker 111 mênsen in Guinee an het virus en waere er 127 geregistreerde geïnfecteerden.^[2] Ok in buurland Liberia wiere eind maerte 2014 tweê besmettingen mie het virus vastesteld.^[3]

Op 8 auhustus roept de WHO de ebola uutbraek uut tot internâtionâle noodsituâtie. Op 20 september wier het publieke leven in Sierra Leone drie daegen stilgeleid om de verspreiding van de ebola te stoppen. Tegeliek wier 'uus an 'uus naegegaen weera mênsen mie ebola weunde.^[4][5]

Op 28 september 2014 wier voo het eerst een patient in de Vereênigde Staeten mie ebola vastgesteld. De man 'ao het virus opgeloôpen in Liberia en overleed an de ziekte op 8 oktober.

Begin oktober werd voor het eerst in Europa ebola vastgesteld bij een Spaanse verpleegkundige. Ze had de in augustus overleden Spaanse missionaris verpleegd en was waarschijnlijk besmet geraakt tijdens het uittrekken van haar isolatiekleding. Haar hond werd uit voorzorg afgemaakt. Na een behandeling met een experimenteel vaccin en antilichamen van een genezen patient wordt ze op 21 oktober genezen verklaard.^[6]

Op 17 oktober wier Senegal ebola-vrie verklaerd. 20 oktober wier bekend dat in een periode van 42 daegen, wa-a overeênkomt met tweêmael de maximale incubatietied van 21 daegen, ok in Niheria gin nieuwe ebola-patiënten bin biegekommn.^[7]

Ebola-doôden en geïnfecteerden per dag		Totaâl antal ebola-doôden en geïnfecteerden		Cumulatief overzicht van het antal slachtoffers

• Ebola-uitbraak West-Afrika 2014 2015, RIVM

1. ↑ 2-jarige was eerste ebolapatiënt, NOS, 10 auhustus 2014
2. ↑ ^{2,0 2,1} Inmiddels 87 doden door ebola in West-Afrika, NRC, 2 april 2014
3. ↑ Ebola-epidemie breidt uit: Liberia bevestigt besmettingen, Senegal sluit grens met Guinee, Knack, 31 maerte 2014
4. ↑ "Ebola heeft grote impact op sociale leven en economie", NOS, 20 september 2014
5. ↑ Sierra Leoners mogen huis weer uit, NOS, 22 september 2014
6. ↑ Spaanse verpleegster genezen van ebola, de Volkskrant, 21 oktober 2014
7. ↑ WHO: Nigeria is free of Ebola but must remain vigilant for new cases, The Guardian, 20 oktober 2014
8. ↑ Dodental ebola nadert 5000, De Telegraaf, 23 oktober 2014
9. ↑ WHO: 'Vanaf december duizenden extra ebolagevallen per week', Trouw, 14 oktober 2014
10. ↑ Bijna 7500 mensen met ebolavirus besmet, De Telegraaf, 3 oktober 2014
11. ↑ WHO: meer dan 2500 doden door ebola, De Telegraaf, 16 september 2014
12. ↑ Dodental ebola tot bijna 2300 gestegen, De Telegraaf, 9 september 2014
13. ↑ Ebola-uitbraak in West-Afrika in 2014, Nederlandse Wikipedia
14. ↑ Ebolavirus nu ook in Centraal-Afrika opgedoken, NRC, 24 auhustus 2014
15. ↑ Dodental ebola opgelopen tot 1.427, NU.nl, 22 auhustus 2014