Ain
Ain (01) is 'n departement in 't oôst'n van Frankriek, vernoemd ni de riviere Ain, en leit in de rehio Rhône-Alpes. De prefectuurstad is Bourg-en-Bresse.
Geschiedenisse
[bewerk | brontekst bewerken]Òrspronkelijk waos 't hebied deêl van Boerhondië; deur de graev'n van Savoy werd 't in 1601 deêl van Frankriek.
't Departement waos eên van de 83 departement'n die wer'n hecreëerd tiedens de Franse Revolutie, op 4 maert 1790 deur de uutvoerienge van de wet van 22 december 1789. 't Is 'n saem'nvoehienge van vier provincies uut de rehio Bourgogne: Bresse, Bugey, 't prinsdom Dombes en 't Land van Gex en 'n deêl van de provincie Franc-Lyonnais.
't Land van Gex werd aofescheid'n van 1798 tot 1814, om vervoggens wer anesloet'n te wor'n bie 't ouwe departement Léman.
De beweuners sproek'n vanaof de 13e eêuw 'n amparte taele, 't Bressaons. Deêze taele werd tot in de 20e eêuw hesproek'n. Teeg'nwoôrdig 'od 't nie meê as daegelijkse taele hebruukt.
Zas hemeênt'n in de omgevienge van Lyon wer'n in 1967 aofescheid'n en anesloet'n an 't departement Rhône.
Ain bestit uut de vier arrondissement'n:
Demograofie
[bewerk | brontekst bewerken]Lieste van de tien hroôste hemeênt'n in 't departement Ain:
| # | Hemeênte | Antal inweuners (1999) |
|---|---|---|
| 1 | Bourg-en-Bresse | 40 628 |
| 2 | Oyonnax | 24 188 |
| 3 | Ambérieu-en-Bugey | 11 432 |
| 4 | Bellegarde-sur-Valserine | 10 878 |
| 5 | Miribel | 8 545 |
| 6 | Belley | 8 002 |
| 7 | Gex | 7 771 |
| 8 | Ferney-Voltaire | 7 071 |
| 9 | Meximieux | 6 835 |
| 10 | Montluel | 6 456 |