სენ-დენი
კომუნა
|
სენ-დენი (ფრანგ. Saint-Denis) — კომუნა საფრანგეთის, პარიზიშ ცენტრშე 9 კმ-შ გოძვენას, მახორობა - 109 343 ადამიერი (2013). მახორუეფიშ 35,6% — იმიგრანტეფი ვარდა საფრანგეთიშ ოზუღე დეპარტამენტშე გიშნაველეფი რენა, თინეფშე 14% — მაღრიბიშ გიშნაველეფი რენა, 10 % — უჩაკანამი აფრიკალეფი, შხვა 11 % — ევროპაშე (პორტუგალიარეფი, ესპანარეფი, ბერძენეფი) დო ამერიკაშე (ბრაზილიარეფი, კოლუმბიარეფი, მექსიკარეფი, კუბარეფი) გიშნაველეფი რენა. მახორობაშ 18 წანაშახ 70%-ის ართ მასქერ-იმიგრანტი იშენი ჸუნს. ნოღას დჷნაშებუშ მაღალი დონე რე; თეშ უმკუჯინალო, 2005 წანას პარიზიშ გოხოლუაშ არეულობეფქ ძალამ მერკეთ იღვენუ გოლინა სენ-დენშა. მახორუეფიშ 64,4% ფრანგეფი რენა, ნამუთ დაბალირე, ვინძო პარიზის დო ილ-დე-ფრანსის, სოდე ფრანგეფი 75%-შე უმოსი რენა.
ნოღა იდვალუაფუ პარიზიშ ოორუეშე სენ-დენიშ არხიშ ინაკათუს, კინ თე ჯოხოდვალაშ კოკიშ ბონო.
დენ-დენშა გოდვალირი რე პარიზიშ მეტროშ 13-ა ნოჸელა.
თარი ოქიანუ — გოთიკური სენ-დენიშ სააბატო, საფრანგეთიშ მაფეფიშ საფულა.
სპეცილაურო 1998 წანაშ მოსოფელიშ კუჩხბურთიშ ჩემპიონატშო სენ-დენს აკიგჷ 80-ვითოშიანი სტადიონიქ „სტად დე ფრანსი“. სტადიონს იმანჯებუაფჷ ევრო-2016-შ ფინალიშ 3-4 მატჩეფი.
დომაჸალაფირი ნოღეფი
[რედაქტირაფა | წყუშ რედაქტირაფა]კორდოვა, ესპანეთი
ჰერა, გერმანია
ოორუე ლანკაშირი, გოართოიანაფილი ომაფე
პორტუ-ალეგრი, ბრაზილია
სესტო-სან-ჯოვანი, იტალია
ტუზლა, ბოსნია დო ჰერცეგოვინა
ღაზა, პალესტინაშ ერუანული ადმინისტრაცია
ლაბრა-ნატ-ირატენი, ალჟირი
ტიზნიტი, მაროკო
ჟელებოუ, მალი
რესურსეფი ინტერნეტის
[რედაქტირაფა | წყუშ რედაქტირაფა]შეგილებუნა ქოძირათ მედიაფაილეფი თემაშე „სენ-დენი“ ვიკიოწკარუეს.
