სამცხე-ჯავახეთიშ აკანი
| სამცხე-ჯავახეთიშ აკანი სამცხე-ჯავახეთის მხარე | |
|---|---|
 | |
| ქიანა | საქორთუო |
| სახენწჷფო რწუმებული | ბესიკ ამირანაშვილი |
| რეგიონიშ კოდი: | GE-SJ |
| რაიონი | 6 |
| ფართობი: | 6413 კმ² |
| მახორობა: | 160.504 (2014) |
სამცხე-ჯავახეთიშ აკანი (ქორთულო სამცხე-ჯავახეთის მხარე) — აკანი ობჟათე საქორთუოს, იკათუანს საქორთუოშ ისტორიულ–გეოგრაფიული პროვინციეფიშ სამცხეშ, ჯავახეთიშ დო თორიშ ტერიტორიეფს. რეგიონიშ ერეფოშქაშე კოდი რე: GE-SJ.
ზოგადი ჩინებეფი
[რედაქტირაფა | წყუშ რედაქტირაფა]აკანიშ ფართობი აკმადგინანს 6413 კვ.კმ-ს, მახორობა - 160 504 კოჩი, მახორობაშ მეჭედალა 1 კვ.კმ-ს - 25 კოჩის. აკანიშ ადმინისტრაციული ცენტრი რე ნოღა ახალციხე. აკანს 353 დოხორელი პუნქტი რე, თენეფ შქას:
- ნოღა - 5: ახალქალაქი, ახალციხე, ბორჯომი, ვალე, ნინოწმინდა;
- დაბა - 7: ბაკურიანი, ბაკურიანის ანდეზიტი, წაღვერი, ახალდაბა, ადიგენი, აბასთუმანი, ასპინძა;
- ოფუტე - 254.
აბანური მუშითმართუალა
[რედაქტირაფა | წყუშ რედაქტირაფა]სამცხე-ჯავახეთიშ აკანშა მიშმურს საქორთუოშ კანონდვალათ გოთანჯილი გეჸვენჯი ადმინისტრაციულ-ტერიტორიული ართურეფი:
- ადიგენიშ მუნიციპალიტეტი;
- ასპინძაშ მუნიციპალიტეტი;
- ახალქალაქიშ მუნიციპალიტეტი;
- ახალციხეშ მუნიციპალიტეტი;
- ბორჯომიშ მუნიციპალიტეტი;
- ნინოწმინდაშ მუნიციპალიტეტი.
აკანიშ მართუალა ახორციელენს საქორთუოშ პრეზიდენტიშ დორინაფილი სახენწჷფო რწუმებული. თე პოსტის, ნამუქუთ მუშაღალირქ იჸუ 1994 წანაშ კვირკვეს, ამდღაშა მუშენდეს:
- 1994 - ვ. ბაქრაძე
- 1998 - გიგლა ბარამიძე
- 2002 - თემურ მოსიაშვილი
- 2003 - გელა კვარაცხელია
- 2004 - ნუგზარ პარუნაშვილი
- 2004 - ნიკო ნიკოლოზიშვილი
- 2005 - გიორგი ხაჩიძე
- 2008 - ლაშა ჭკადუა
- 2012 - ივანე წიკლაური
ეკონომიკა
[რედაქტირაფა | წყუშ რედაქტირაფა]სამცხე–ჯავახეთი ჯინჯიერი ოფუტე-ომეურნე რეგიონი რე, დახე არძა რეწუაშ პროდუქცია ბორჯომს იწარმებუ. თაქ რე აკოკათინელი აკანიშ ოკურორტე–გამაჯანსაღებელი ინფრასტრუქტურა. ეკონომიკური თოლონჭაფუთ პერსპექტიული რე ტურისტული მეურნობაშ გოვითარაფა, თაშნეშე ახალქალაქის დო თურქეთიშ ნოღა ყარსის შქას დოგეგმილი რე რკინაშშარაშ კიდანჯალა.
კულტურული ძეგლეფი
[რედაქტირაფა | წყუშ რედაქტირაფა]აკანიშ ტერიტორიას იდვალუაფუ ორთაშ, არქიტექტურაშ დო კულტურაშ ანდა ძეგლი, თენეფშე არძაშე შანულამეფი რე:
რესურსეფი ინტერნეტის
[რედაქტირაფა | წყუშ რედაქტირაფა]- სამცხე-ჯავახეთიშ აკანიშ ოფიციალური ვებ-ხასჷლა Archived 2019-12-27 ვებ-ხასჷლას Wayback Machine.