ილინოისიშ უნივერსიტეტი (ურბანა-შამპეინი)
ილინოისიშ უნივერსიტეტი (ურბანა-შამპეინი) ინგლ. University of Illinois Urbana-Champaign | |
დევიზი | გურაფა & ხანდა |
---|---|
დირსხუ | 1867 |
ტიპი | ოჯარალე |
ფონდეფი | $ 3.82 მლრდ. (უნივერსიტეტიშ სისტემა, 2021) |
წორომახანდე | 2,548 |
კანცლერი | რობერტ ჯოუნსი |
პრეზიდენტი | ტიმოთი კილეენი |
სტუდენტი | 56,257 (2021) |
ორენი | ურბანა დო შამპეინი, ილინოისიშ შტატი, |
კამპუსი | ურბანული (2.578 ჰა) |
ფერეფი | ლენი დო ნარინჯიშფერი |
საიტი | illinois.edu |
ილინოისიშ უნივერსიტეტი (ურბანა-შამპეინი), ილინოისიშ უნივერსიტეტი (ინგლ. University of Illinois Urbana-Champaign, University of Illinois ვარ და UIUC) რე ოჯარალე უნივერსიტეტი ილინოისიშ ჟირი ნოღას ურბანას დო შამპეინის. უნივერსიტეტი რე ილინოისიშ უნივერსიტეტეფიშ სისტემაშ თარი უნივერსიტეტი. უნივერსიტეტიქ დირსხუ 1876 წანას. სტუდენტეფიშ მუდანობათ ილინოისიშ უნივერსიტეტი რე ამერიკაშ ართ-ართი უდიდაში უნივერსიტეტი დო ილინოისიშ შტატიშ უდიდაში უნივერსიტეტი. ილინოისიშ უნივერსიტეტი რე ამერიკული უნივერსიტეტეფიშ ასოციაციაშ მაკათური დო თინა კლასიფიცირებული რე მუჭოთ R1 კლასიფიკაციაშ უნივერსიტეტი: ოდოქტორე უნივერსიტეტი დო მაღალი დონეშ რკვიებეფიშ აქტივობაშ უნივერსიტეტი. უნივერსიტეტიშ კამპუსიშ ბიბლიოთეკა, წინგეფიშ მუდანობათ რე მაჟირა ბიბლიოთეკა ამერიკას. უნივერსიტეტი ადმინისტრირენს სუპერკომპიუტერეფიშ ერუანულ ცენტრის (NCSA). უნივერსიტეტი იკათუანს 16 სკოლას დო კოლეჯის. უნივერსიტეტის უღუ ბაკალავრიატიშ, მაგისტრატურაშ დო დოქტორანტურაშ 250-შე ომოსი პროგრამა. უნივერსიტეტის უღუ 651 დგჷმილი 2,578 ჰექტარ დიხას დო უნივერსიტეტიშ ირწანიანი ბიუჯეტი ჟირი მილიარდი დოლარიშე ომოსი რე. ილინოისიშ უნივერსიტეტი ადმინისტრირენს მენცარული რკვიებეფიშ პარკის, ნამუთ რე ტექნოლოგიური ჰაბი სტარტაპეფიშო, ტექნოლოგიური კომპანიეფიშო დო კორპორაციეფშო (მაგალთო: Abbott, AbbVie, Caterpillar, Capital One, Dow, State Farm, Yahoo დო შხვეფი). 2020 წანაშ მუნაჩემეფით უნივერსიტეტიშ კურსნათებუეფი რდეს: ნობელიშ პრემიაშ 30 ლაურეატი, პულიცერიშ პრემიაშ 27 ლაურეატი, ტიურინგიშ პრემიაშ 2 ლაურეატი დო ოლიმპიადეფიშ 29 პრიზიორი.
ლიტერატურა
[რედაქტირაფა | წყუშ რედაქტირაფა]- Kanfer, Alaina. Illini Loyalty: The University of Illinois. (University of Illinois Press, 2011; ISBN 9780252035005)