火药

火药，有辰光也畀叫做黑火药，是人类发展当中个一个邪气重要发明。立在近代历史前期，是一种早期个炸药，直到17世纪中期，也是所有文明个唯一化学爆炸物。

火药个配方，一般侪是恒定个，是由硫磺、木炭搭硝石（硝酸钾）混合在一道配成个。箇当中，木炭是基本个燃料，硫磺搭硝石是氧化剂。

火药的个燃烧过程当中，可以散发大量个气体搭热量，所以，从老里八早开始，火药就广泛立在烟花当中使用，中国人立在迭个行当里向，可以讲是行家。