国铁分割民营化（日文：国鉄分割民営化／こくてつぶんかつみんえいか kokutetsu bunkatsu min'eika），指个是日本第三次中曾根内阁为咾解决日本国有铁道（简称国铁）亏唻莫牢牢个现状而实施个改革计划。伊拉拿本来是公法人机构个国铁拆分成7家“JR”铁路公司，包括6家地区性个客运铁路公司搭仔1家全国性个货运铁路公司，分别是JR东日本、JR东海、JR西日本、JR北海道、JR四国、JR九州搭仔JR货物；乘枪势里，从国铁里向分拆出几只涉及所有JR公司业务搭仔生活个机构，还成立日本国有铁道清算事业团，专门来处理国铁个大部分债。整只计划勒拉1987年（昭和62年）4月1号实施个。
