”Ang aking Pamilya”

Sa ating mundo ipinanganak tayo na walang kamuwang-muwang ngunit

may mga taong handa tayong mahalin, alagaan at ibigay ang lahat kung anong
meron sila, handang magsakripisyo upang tayo’y lumaki ng maayos at may takot
sa Diyos. Ipinapakita nila kung gaano sila kasaya noong dumating tayo sa buhay
nila at ipinapadama nila kung ano ang kahulugan ng pag-ibig at pamilya.

Pamilya ang siyang pinakamahalagang tao na ibinigay sa atin ng poong

maykapal. Dito natin nadarama na hindi tayo nag iisa at may pamilya tayong
nasasandalan sa bawat problema. Sa pamilya nagsisimula lahat ng mga gawaing
mabuti at ang paggalang sa ibang tao. Ang aking pamilya ang siyang aking
inspirasyon .Sila ang nagbibigay lakas at tapang sa pagharap ko sa bawat pagsubok
na aking nararanasan. Pinapayuhan kapag may nagawa akong kasalanan. Hindi
nagsasawang magpasaya araw araw kahit na nahihirapan sa buhay at ibinibigay
lahat ng mga pangangailangan.
 Sa ating pamilya nakakaranas tayo ng mga pagsubok na hindi natin
inaasahan ngunit kapag ito ay pinagtutulungan at hindi sumusuko sa laban mas lalo
pa tayong pinagtitibay na harapin ang ano mang dagok sa buhay.
Nagkakatampuhan man minsan ngunit buo pa rin ang samahan at hindi
mapaghihiwalay. Kaya’t masasabi kong maswerte ako at mayroon akong
pamilyang laging nandiyan at hindi nang iiwan. Handang magsakripisyo sa lahat
ng bagay,mapabuti lang ang kalagayan. Kaya’t lagi nating pakatatandaan na
habang tayo’y nabubuhay sa mundong ito, huwag nating sayangin ang
pagkakataon na maging masaya kasama ang ating pamilya. Ipakita natin ang
pagmamahal at kahalagahan nila sa ating buhay dahil kapag dumating ang panahon
na hindi na natin sila makikita, hindi na kailanman maibabalik pa ang mga
panahon na ating sinayang upang makapagpasalamat at sabihing mahal natin sila.
 Kahalagahan Ng Pag-aaral sa ating mga Kabataan

Edukasyon…susi ng tagumpay. Ang tanging yaman na kahit kailan ay hindi

makukuha lalong-lalong hindi mananakaw ng kahit na sino man dito sa mundo. Ito
ay pinakaimportante o pinakamahalagang bagay para magtagumpay sa ating mga
buhay. Paano makakamit ang tamang edukasyon? Paano makakatulong ang
edukasyon sa ating buhay?

Ang edukasyon ay mahalaga sapagkat sa pamamagitan nito nagkakaroon

tayo ng iba’t ibang kaalaman tungkol sa mga bagay na ating natututunan sa loob ng
paaralan. Mga kaalamang pwede nating ibahagi sa ibang tao. Mga karanasang
hindi natin makakalimutan kapag tayo ay nagkaroon na ng magandang trabaho.
Ang edukasyon ay laging nandiyan, kung nais mong makapag aral hinding hindi
kailanman ito magtatanggi. Kapag gusto mong ika’y may pinag- aralan huwag
maging tamad dahil ang edukasyon ay hindi naging tamad upang magbigay sa atin
nang mga ideyang ating magagamit sa araw- araw. Kahit na may hirap na
nararanasan, dapat huwag sumuko bagkus ito’y gawin nating inspirasyon upang
makatungtong sa tuktok ng tagumpay.

Sa buhay natin, hindi lahat nakukuha ng walang paghihirap at pagsisikap,

ganoon din sa pag- aaral. Dadaan ka muna sa butas ng karayom bago mo
masungkit ang mga pangarap na nais mong makamit. Oo, hindi siya madali ngunit
kung malakas ang loob mo na makapagtapos ng may karangalan, para ka na ring
nanalo sa lotto na kahit nabibigo minsan ay napagtatagumpayan pa rin ng may
ngiti at sayang nararamdaman.
 Siguradong may liwanag na bukas ang maghihintay sa iyo kapag ikaw ay
nakapagtapos ng pag aaral. Malaki ang tulong ng edukasyon sapagkat kapag
nakapagtapos ka ay malaki ang posibilidad na may magandang trabahong
naghihintay sa iyo. Gaganda ang takbo ng buhay mo at makakatulong ka pa sa
pamilya mo. Nakakapanghinayang lang ang iba na nakapagtapos na nga ngunit
hindi naman ginagamit ang pinag- aralan.

Kaya’t habang may buhay at may pagkakataon pang puwedeng mag-aral,

sikapin at pilitin nating makakuha ng edukasyon para sa ikauunlad ng buhay dahil
mahirap na hanggang sa kamatayan ay mangmang. Kaya nga nasa Diyos ang awa,
nasa tao ang gawa. Gagawa ka ng may pagtitiwala at pananalig sa Panginoon nang
sa ganon ay makakamit mo ang iyong mga gustong maabot sa buhay.
 Tunay Na Kaibigan

Masarap mabuhay ng maraming Kaibigan. Iba’t ibang ugali ang ating

masusumpungan. Pero iba pa rin talaga kapag tunay na kaibigan o di kaya’y
matalik na kaibigan

Minsan may mga bagay na hindi mapagkasunduan pero hindi pa rin

matatawaran ang sayang nadarama ng isang tunay na pagpapahalaga.
maraming pagkakaiba maraming pagkakaparehas ngunit ang pinakamasaya
dito ay ang pagiging totoo ng bawat isa. Minsan, may mga panahon na
nagkakaroon ng problema ang ating mga kaibigan subalit ang kasiyahan pa
rin ang namumutawi sa kanilang mga labi. Masaya at magaan sa pakiramdam
kapag nakakatulong tayong masolusyonan ang kanyang problema. Siguro,
dahil ayaw nating nakikitang malungkot siya. Dumadating pa nga sa punto na
kayo na ang nag aaway sapagkat nangingibabaw pa rin talaga ang
pagmamahal at pagsasamahan ninyong magkakaibigan. Ang pagkakaroon ng
matalik na kaibigan ay parang pagkakaroon ng sariling kapatid. Dahil may
kasama ka sa lahat ng bagay. Minsan pa kung umasta ay parang nanay kung
magalit. At higit sa lahat, ang pagkakaroon ng matalik na kaibigan ay isang
masayang bahagi ng buhay dahil palagi kang may kausap, pinagsasabihan ng
mga sikreto at handang ipagtanggol ang kanyang kaibigan at higit sa lahat
naipapakita mo kung sino ka talaga sa harap nila at ang mahalaga ay totoo
kayo sa isat isa.