Pepin l' Peuket

Pepin l' Peuket, c' esteut l' pere da Tchårlumagne. I skepia a Djoupeye.

C' est lu k' tchessa evoye les dierins rwès feneyants. Elzès retrôcla dvins des covints, avou l' tite di tchenonnes. Mins i dmanda l' mwin d' ene di leus båsheles : el feye Carloman : Bietråde.

So s' sårco, n a djusse sicrît : « Pere di Tchårlumagne ».

Bråve pitit peuket, bråve pitit råpén, ki n' aveut pus crexhou dpoy ses dijh ans.

Çou k' i pierda el hôteur, el ritrova bénvite sol lårdjeur, paret.

Des moustatches ! Come li guidon do velo d' coûsse da Eddy Merckx. Et lustrêyes al gomina.

Ene hanete di torea, des bresses come des hamindes, des mwins grandes et lådjes come des palasses !!!

Il aveut vite fwait, alez, do rmete e leu plaece les cis, k' avou l' air di mes deus airs, el volént prinde di hôt, ou k' el rilouként come ene catedråle. Elzî åreut dné l' côp d' Malcusse pour un oui pour un non.^[1]

1. ↑ F. Nyns, Do tins da Tchårlumagne, Li Rantoele, l° 62, esté 2012

I gn a so les cmons Wikipedia des imådjes ou fitchîs son a vey avou Pepin l' Peuket .