Hernán Cortés
| |
|---|---|
| Moted: | Hernán Cortés y Pizarro 1484 Medellín[*] |
| Deadam: | 2 dekul 1547 Castilleja de la Cuesta[*] |
| Deadamakod: | dysentery[*], pleurisy[*] |
| Cal(s): | explorer[*], guveran[*], conquistador[*] |
| Tatät(s): | Spanyän |
| Matan(s): | Catalina Suárez Marcayda[*], Juana Ramírez de Arellano y Zúñiga[*] |
| Cil(s): | Martín Cortés[*], Leonor Cortés Moctezuma de la torre[*], Martín Cortés, 2nd Marquis of the Valley of Oaxaca[*], Doña Juana Cortés de Zuñiga[*], Doña Maria Cortés y Ramirez de Arellano[*] |
| Pal(s): | Martín Cortés de Monroy[*], Catalina Pizarro Altamirano[*] |
| Dispenäd: | |
| |
Hiel Hernando Cortés Monroy Pizarro Altamirano, sevädik as Hernando ü Hernán Cortés, Legraf Balid Fälida di Oaxaca (1485 - 1547 dekul 2), äbinom letävan ä konkeran (el conquistador) Spanyänik, kel äprimom konkerami Lampöräna Laztekik pro hiel Charles: V: reg Kastilyäna ä Lampöran Romänik Saludik primü tumyel 16id. El Cortés ädutom lü menäd kolunanas Spanyänik, kels äprimons timädi balid Koluna Spanyänik Meropas.[1]
Pämotöl in Medellín, in Extremadura: provin Kastilyäna, pö famül donanoubik, el Cortés äsludom ad sukön kosididi oka in Vol Nulik. Ätävom lü nisul: Hispaniola e poso lü Kubeän, kö ägetom länedis ed ävedom dü brefüp sifal zifila. Ün 1519, pävälom as kapiten letävanefa kilid lü kontinän (om it äpelom dilo letävi at). Neflenam omik kol guvan Kubeäna: hiel Diego Velázquez de Cuéllar, äkodon fino lebüdi fa lätikan letävanefe ad gekömön, keli el Cortéz änedemom. Pos lüköm su kontinän, el Cortés benosekiko äfomom laliadis ko pöps topik anik ta votiks. Ägebom as nätäpretan vomi: Doña Marina, kel poso ägivof ome soni. Ven guvan Kubeäna äsedom dünanis okik ad fanäbükön omi, el Cortés äkomipom ta oms ed ävikodom. Äpenom penedis stedöfo rege in Spanyän, äbegölo dasevi benosekis okik pla pön as volutan. Posä äkonkerom Lampöräni Laztekik, el Cortés ädagetom diniti: Legraf Fälida di Oaxaca, du dinit prästigikum virega pägevon noubane löpikum: hiel Antonio de Mendoza. El Cortés ägetävom lü Spanyän ün 1541, kö ädeadom püdiko ab biedäliko.
Kodü dunots päkrütöl omik e nebundan nünafonätas konfidovik dö om, evedos fikulik ad lesagön fifümikosi tefü pösodöf e dunakods u motivs omiks. Dialöfükam primik konkeranas e dunas omsik no äkodon vestigamis dibätik ela Cortés. Leceds nulikum tefü binäl konkeranas yumedü tikets takolunik nulädik e veüt egretiköl gitätas menik (l. samo Konädi Blägik) leigo no äkeblünons ad dibätükön suemi obsik dö el Cortés as pösod. Sekü kliens jenavik at, bepenams ela Cortés binons suvo tu balugiks, u dialöfüköls u maleditöls.