Joegosloavië

Joegosloavië (Servo-Krowoatisch: Jugoslavija / Југославија) was tusschn 1918 en 2003 de noame van mêerdere ipêenvolgnde stoatn in Zuud-Europa ip de Balkan. Den hoofdstad was Belgrado.

't Êeste Joegosloavië (1917-1942) was e monarchie. Van 1918 toet 1929 was de noame 't Keunienkryk van de Serviërs, Krowoatn en Sloveenn en vanof 1929 toet 1941 't Keunienkryk Joegosloavië.

't Twêede Joegosloavië (1943-1992) was 't mêest bekend: de marxistisch-leninistische stoat oender leidienge van Josip Broz (beter bekend oender zyn bynoame Tito). Die stoat noemde van 1943 toet 1945 de Federoale Democroatische Republiek Joegosloavië, van 1945 toet 1963 de Federoale Volksrepubliek Joegosloavië en van 1963 toet 1992 de Socialistische Federoale Republiek Joegosloavië.

Met de val van 't communisme tusschn 1989 en 1992 in Joegosloavië, viel 't land de facto uut mekoar. Da gieng in de periode van 1992-1999 gepoard met e dêel bloedige (burger)orloogn.

Vanof 2003 wierd 't land Servië en Montenegro genoemd en in 2006 viel 't uutêen in Servië en Montenegro.