Vihm (lidn, Estinma)

Vihm
Võhma

Valdkund	Estinma
Eläjiden lugu (2021)	1,295 ristitud
Pind	1,9 km²
Telefonkod	+372-
Aigvö	tal'vel UTC+2, kezal UTC+3

Sil sanal voib olda toižid znamoičendoid; miše nähta niid, tulgat tänna.

Vihm (est.: Võhma) om Estinman lidn valdkundan keskuzpalas. Mülüb Vil'jandin makundha. Om Pihja-Sakal-volostin palaks vn 2017 redukuspäi, sen suremb lidn kahtespäi.

Eländpunkt mainitase ezmäižen kerdan vl 1583 kuti Wechma-külä. Panihe alaškolan alust vl 1887. Vl 1900 kaidraižuine «Tallidn — Vil'jandi»-raudtekeskust läbiti sidä, i Vihm-žilo šingotaškanzihe külän sijas. Se oli makundan pohjoižpalan torguindan keskuseks, lihan ümbriradmižen eksportine edheotand radoi vspäi 1928. Vl 1945 Vihm sai lidnanvuiččen žilon statusad. Šingotihe järedal lihakombinatal vhesai 1996. Nevondkundaline Vihm-il'mbaz sijazihe nelläs kilometras pohjoižhe žilospäi Vilusodan aigan.

Kätihe erigoittud volostikš vl 1991. Vihm sai lidnan statusad vn 1993 10. päiväl tal'vkud. Lidn om olmas municipaližeta statusata vspäi 2017. Šingotase valdkundaližen büdžetan aluzkundoil, tohuziden fabrikal^[1], alkogolitomiden jomiden kompanijal, Vil'jandin omblendedheotandan cehal.

Lidn sijadase makundan pohjoižröunanno, 59 m ü.m.t. keskmäižel korktusel. Järva-makund om röunan taga. Matkad makundan Vil'jandi-keskushesai om 31 km suvhe avtotedme. Lähembaine lidn om volostin Suure-Jaani-keskuz 11 km suvhe-suvipäivlaskmha orhal vai 13 km avtotel.

Vl 1989 eläjiden lugu oli 1 983 ristitud, vodele 2011 lidnan ristitišt poleni i oli 1 314 eläjad. Vn 2020 augotišes kaik 1285 ristitud elihe lidnas.

Rahvahad (2021): estilaižed — 93,7 %, toižed rahvahad — 6,3 %.

Valdkundaližen büdžetan aluzkundad: aluzškol (uz' sauvuz vspäi 2020, 106 openikad vll 2022/23, 383 openikad vll 2002/03, edel 2015. vot škol nimitihe gimnazijaks), lapsiden muzikškol, päivkodi, počtan palakund, kirjišt, kul'turkeskuz, sporthonused, norišton keskuz, päiväline keskuz rauhiden mehiden täht.

Anneli Siimussaar radoi lidnan jäl'gmäižen pämehen vll 2013−2017.

• 
  Eländpunktan ohjastusen sauvuz i lämoipalonvastaine palakund (2011)
• 
  Vihman päraudtestancii, vn 2021 nägu
• 
  Lihakombinatan sauvused vl 2011
• 
  Enččen municipalitetan znam
• 
  Enččen municipalitetan flag

1. ↑ Vihman tohuziden fabrikan sait (valgusevabrik.ee). (est.) (angl.)

• Pihja-Sakal-volostin sait (pohja-sakala.ee). (est.)

Vihm (lidn, Estinma) Vikiaitas

L • D • R Estinma Estinman lidnad

Abja-Paluoja • Antsl • Elv • Haapsalu • Jigev • Jihvi • Kallaste • Karksi-Nuia • Kehr • Keil • Kilingi-Nimme • Kiviili • Kohtla-Järve • Kund • Kuressaare • Kärdl • Lihul • Loks • Maardu • Mustvee • Miizakülä • Narv • Narv-Jogensu • Otepä • Paide • Paldiski • Piltsamaa • Pilv • Pärnu • Püssi • Rakvere • Rapl • Räpin • Saue • Sillamäe • Sindi • Suure-Jaani • Tallidn • Tamsalu • Tap • Tartu • Tirv • Türi • Valg • Vil'jandi • Vihm • Viru