Bugri (lidn)

Bugri
Бугры
Lidnanznam;	Flag;
Valdkund	Venäma
Eläjiden lugu (2021)	22,428 ristitud
Telefonkod	+7−81 370-xx-xxx
Avtokod	47
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Bugri (ven.: Бугры́, suom.: Pukra, Pukrankylä) om lidn Leningradan agjan Vsevoložskan rajonas. Se om Bugrin lidnankundan administrativine keskuz.

Istorii

Eländpunkt om znamoitud vn 1855 kartal ezmäižen kerdan kuti Zagameli-torgovanan Bugri-usadib. Vl 1914 oli kezaküläpertiden peneks žiloks. Sätihe Bugrin küläkundad vn 1989 redukus i panihe žilod sen keskuseks. Kätihe Bugrid lidnaks vn 2024 kezakun 18. päiväl. Nimitaškatihe Bugrin küläkundad lidnankundaks sil-žo aigal, panihe sirdandpordod sen tobmuden organoiden täht vhesai 2027.

Bugri šingotase puižiden pertiden tegimel, sauvondmujuiden tehmižel, Mega-, Lenta- i Ašan-torguindkompleksoil, sauvondan kompanijal, tedotegimištoližel «Fleim»-ühtelmasel.

Geografijan andmused

Lidn sijadase Piterin pohjoižpäivnouzmaižel röunal ani, 16 m ü.m.t. keskmäižel korktusel. Röunatab Rengazavtotenke. Reljef om kukhikaz, sišpäi lidnan suomen i venän nimed libudas. Kaik om 22 nimitadud irdad.

Rajonan lähembaine lidn om Murino ani suvipäivnouzmha. Lähembaine raudtestancii om Kuz'molovo vides kilometras päivnouzmha.

Eläjad

Vn 2010 Venäman rahvahanlugemižen mödhe žilon eläjiden lugu oli 6 154 ristitud, vn 2021 — 22 428 ristitud. Kaik 9 185 ristitud elihe radnikžilos vl 2017. Kaikiš suremb eländpunktan ristitišt om nügüd'.

Ortodoksižen hristanuskondan kaks' Elokun Jumalanmaman Elokun jumalaižen jumalanpertid^[1] oma lidnas: üks' om saudud vll 2009−2010, toine korged kivine om sauvomas (vn 2024 olend).

Lapsiden opendusen aluzkundad oma seičeme päivkodid, koume keskškolad, čomamahtoiden škol, Vsevoložskan olimpižen varan školan filial (vn 2023 kül'mkuspäi). Professionaližen opendusen aluzkundad ratas lähembaižiš lidnoiš.

Galerei

Jumalanmaman Elokun jumalaižen jumalanpert', vn 2010 nägu
Venäman počtan ofis (2020)
Nägu Bugrihe Murinospäi (2010, kezaku)

Homaičendad

↑ Bugrin pühäpertid sobory.ru-saital. (ven.)

Irdkosketused

Bugri (lidn) Vikiaitas

	Leningradan agjan lidnad
	Boksitogorsk \| Bugri \| Gatčin \| Ivangorod \| Kamennogorsk \| Kingisepp \| Kiriši \| Kirovsk \| Koltuši \| Kommunar \| Kos'kenaluine \| Kudrovo \| Lug \| Lüban' \| Murino \| Nikol'skoje \| Otradnoje \| Pikalövo \| Primorsk \| Priozersk \| Pöud \| Sertolovo \| Slanci \| Sosnovii Bor \| Svetogorsk \| Säs'stroi \| Šlissel'burg \| Tel'manan lidn \| Tihvin \| Tosno \| Uz' Ladog \| Viipur \| Visock \| Volhov \| Volosovo \| Vsevoložsk

[1] Bugrin pühäpertid sobory.ru-saital. (ven.)

[1]