Nuuk

Nuuk

Lidnanznam	Flag
Valdkund	Danii
Eläjiden lugu (2020)	18,326 ristitud
Pind	690 km²
Aigvö	tal'vel UTC−3, kezal UTC−2

Nuuk vai Gothob (grenl.: Nuuk; dan.: Nuuk vai Godthåb «hüvätabaine toiv») om Danijan Grenland-avtonomijan administrativine keskuz da kaikiš suremb lidn. Vhesai 1979 lidnan oficialine nimituz oli Gothob; 19. i 20. voz'sadoiden purtkiš voib löuta mugažo Godtaab- da Godthaab-nimitusid.

Lidn om pandud Hans Egede-norvegijalaižel vl 1728. Eländpunktad oliba olmas sarel sil aigal jo, kaikiš vanhemb eländpunkt om pandud 4 200 vot tagaz. Voz'sadoil 9.-15. skandinavijalaižed eliba läz nügüdläšt Nuukad, no hö jätiba sidä tahod möhemba. Eskimosalaižiden kezavastusiden taho oli siš mugažo. Vl 1721 Egede tuli sinnä kändmaha hristanuskondha eskimosižid perehid. Hän nimiti lidnad Gothobaks (Godthåb, «hüvätabaine toiv»).

Vspäi 1979 lidnan üks'jäine oficialine nimituz om Nuuk jogahižel kelel.

Lidn sijadase pol'sarel, Grenlandan-saren päivlaskmaižel randal, 5 m ü.m.t. keskmäižel korktusel.

Tal'vkus päidub 10:00 aigal, tikahtuz om 14:30 aigal. Semendkun agjaspäi elokun augotišhesai polärine päiv (vauktuz 24 časud) oleskeleb lidnas.

Lämän joksmusen taguiči, meri Nuukan rindal ei jädu talvel, sikš elo naku ei ole mugoine jüged, kuti saren toižiš paloiš.

Vn 2015 andmusiden mödhe lidnan ristitišt oli 16 992 eläjad.

Lidn om Sermersook-kundan (Kommuneqarfik Sermersooq-kommun) administrativine keskuz. Vl 2008 kundan ristitišt oli 20 998 eläjad, pind oli 635,6 tuhad km². Se om Grenlandan kaikiš suremb kund ristitišton mödhe, läz 15 tuhad ristituid elädas Nuuk-lidnas.

Nuuk Vikiaitas