Miškol'c

Miškol'c
Miskolc
Lidnanznam;	Flag;
Valdkund	Mad'jaranma
Eläjiden lugu (2022)	147,533 ristitud
Pind	236,68 km²
Pämez'	Kriza Akoš; (reduku 2010—)
Telefonkod	+36−46
Aigvö	tal'vel UTC+1,; kezal UTC+2

Lidnan sijaduz agjas i valdkundas (2017)

Miškol'c (mad'j.: Miskolc [ˈmiʃkolt͡s], slovak.: Miškovec) om Mad'jaranman nellänz' lidn eläjiden lugun mödhe, sijadase valdkundan pohjoižpäivnouzmas. Se om Boršod-Abaui-Zemplen-agjan administrativine keskuz.

Istorii

Vl 1364 nügüdläine eländpunkt sai lidnan oiktusid. Vl 1544 lidn oli polttüd turkalaižil.

1990-nziden voziden augotišespäi Miškol'c oli elänu läbi hätkeližes ižandusen krizisas, sikš miše sauptihe metallurgijan i jügedan mašiništonsauvomižen edheotandoid. Sid' pen' biznes šingotaškanzi, jättud tegimed oma rekonstruiruidud.

Geografijan andmused

Lidn seižub Šajo-jogen da sen penen Sinv-ližajogen randoil (mad'j.: Szinva, Dunain bassein), Bükk-mägišton alusenno, 130 metrad ü.m.t. keskmäižel korktusel. Matkad Budapešthasai om 175 km suvipäivlaskmha avtotedme, kiruhjonused ajadas sihesai 100 minutas.

Klimat om ven valdmeren valatoitusenke. Keza om päivoikaz, tal'vaig om pil'vekaz lujas. Voden keskmäine lämuz om +10,6 C°, kezakun-elokun +19,9..+21,5 C°, tal'vkun-uhokun −1,3..+0,6 C°. Ekstremumad oma −35,0 C° (uhoku) i +39,3 C° (heinku). Kezaaigan minimum om −0,9 C° (kezaku), tal'vaigan maksimum om +18,9 C° (uhoku). Ei voi panda halad heinkus-elokus (elokun minimum om +3,1 C°). Paneb sadegid 644 mm vodes, enamba kezakus-heinkus (85..91 mm kus), vähemba vilukus-keväz'kus (28..35 mm kus). Paneb lunt 120 sm tal'ves keskmäras. Kun keskmäine relätivine nepsuz vajehtase 60..65 % röunoiš keväz'kus-uhokus, 81..84 % kül'mkus-vilukus.

Eläjad

Vn 2001 Mad'jaranman rahvahanlugemižen mödhe lidnan eläjiden lugu oli 185 567 ristitud, vn 2011 — 167 754 ristitud, vn 2022 — . Kaikiš suremb lidnan ristitišt oli 207 303 eläjad vl 1980. Ristitišt poleni lujas lidnan ižandusen krizisan tagut.

Rahvahad (enamba 0,4 % vl 2022): mad'jaralaižed — 80,3 %, čiganalaižed — 1,5 %, saksalaižed — 0,4 %, toižed rahvahad i rahvahuden ozutandata — 14,1 %.

Transport

Avtobusad da tramvaid oma kundaližeks transportaks lidnas. Lähine privatine ühtennimine Miškol'c-lendimport (MCQ) sijadase koumes kilometras pohjoižhe lidnaspäi, se om lendahtamižsarganke mahusespäi, kävutase nügüd' sportturizman täht vaiše.

Sebruzlidnad

Miškol'c om sebruzkosketusiš 11 lidnanke mail'mas^[1]^[2]:

Korejan Tazovaldkund Asan, Korejan Tazovaldkund (vspäi 2011)
Saksanma Ašaffenburg, Bavarii, Saksanma (1996)
Bolgarii Burgas, Bolgarii
AÜV Klivlend, Ogajo, AÜV
Slovakii Košice, Slovakii (1997)
Pol'šanma Katovice, Pol'šanma (1973, udištadud vl 1993)

Turkanma Kaiseri, Turkanma (2013)
Čehii Ostrav, Čehanma (2001)
Suomenma Tampereh, Suomenma
Francii Valans'jen, Francii (2009)
Venäma Vologd, Vologdan agj, Venäma (1990-nded voded)

Homaičendad

Irdkosketused

Lidnan tobmuden oficialine sait (miskolc.hu). (mad'j.) (angl.) (saks.)

Miškol'c Vikiaitas

	Mad'jaranman agjad da niiden administrativižed keskused
	Bač-Kiškun (Kečkemet) \| Baran'j (Peč) \| Bekeš (Bekeš'čab) \| Boršod-Abaui-Zemplen (Miškol'c) \| Čongrad-Čanad (Seged) \| D'jor-Mošon-Šopron (D'jor) \| Fejer (Sekešfehervar) \| Haidu-Bihar (Debrecen) \| Heveš (Eger) \| Jas-Nad'kun-Sol'nok (Sol'nok) \| Komarom-Estergom (Tataban'j) \| Nograd (Šal'gotarjan) \| Pešt (Budapešt) \| Sabol'č-Satmar-Bereg (N'jired'haz) \| Šomod' (Kapošvar) \| Zal (Zalaegerseg) \| Tol'n (Seksard) \| Vaš (Sombathei) \| Vesprem (Vesprem-lidn)
	tazostadud agjaha lidn — Budapešt

[1] Miškol'can sebruzlidnad. — Lidnan oficialine sait (miskolc.hu). (mad'j.)

[2] Miškol'can sebruzlidnad. — Lidnan oficialine sait (miskolc.hu). (angl.)

[1]

[2]