Webcam

Una webcam (paroła conposta che ła unise "web", scursamento de World Wide Web) e "cam" (par camera, tełecamara in inglexo) ła xe na tełecamara picenina doparàbiłe soło (o prinsipalmente) cofà dispoxidivo de input par on ełaborador.

A difarensa de na tełecamara tradisionałe, no ła ga un pròpio sistema de memorixasion de video (par exenpio so nastro), ma ła trasmete senplisemente łe imàxeni riprendeste, in forma dixitałe, traverso na interfasa cołegàbiłe a un computer (par exenpio USB o sanò usìda de rete Ethernet RJ45).

El prinsipałe dòparo de łe webcam el se połe reasùmare inte ła posibiłità de inpiegarle par far na videoconferensa traerso el Web o altri sistemi baxai so Internet co tante aplegasion de Mesajistega istantanea

On altra doparasion racuanto popołare de łe webcam ła xe cheła de ła trasmision contìnua de imàjini in vivo (streaming video) da determinai łoghi del mondo. El costumar de istałar webcam in łocałità de intarese torìstego el se xe drìo sparpagnàr in tuto el mondo.

Oncora, webcam vien a volte doparae par fini de monitorajo o videosorvejansa o par ła rejistrasion de video (sol disco rixido del computer). Inte i ùltemi ani racuanti modełi de webcam i xe divegnesti popołari intrà i astrofiłi, che łe desfruta cofà strumenti de baso costo par riprexa de imàjini de pianeti e altri ojeti sełesti łumenoxi.

• Autoguida
• Astrofotografia

• Wikimedia Commons el detien imàjini o altri file so Webcam

• webcamTreccani.it – Enciclopedie on line, Istituto de ła Ençiclopedia Italiana.

• Webcam in Italia Archivià il 21 de otobre 2020 in Internet Archive.

- Webcam co panoràmeghe in montagna e inte łe sità Itałiane