Los Angeles Lakers

Los Angeles Lakers

Epònemo	łago
Dati
Sorte	scuadra de bałacanestro
Creasion	1946
Atività
Spor	Bałacanestro
Liga	NBA
Stàdio	Crypto.com Arena (it) : Los Angeles (Całifornia) (1999–). 19 060
Governo d'impresa
Ałenador	J.J. Redick (it) (2024–)
Propietàrio	Jeanie Buss (it)
Parte de	NBA Pacific Division (it)
Sito web	nba.com…
Pozision

I Los Angeles Lakers i ze una de łe trenta scuadre de basket che łe zoga inte ła NBA; el só canpo de gara el ze el Staples Center a Los Angeles, che i devide co i Los Angeles Clippers e co ła scuadra femenina de łe Los Angeles Sparks. I ga vinto in tuto 16 tìtołi NBA; al 2009 i ga el nùmaro pì alto de partìe vinte (2905) e el nùmaro pì alto de finałi zogade (31); cuatòrdeze menbri de ła Hall of Fame del basket i ga zogà co i Lakers. Ła só storia ła ze rica de sucesi, el só nome el ze conosùo in tuto el mondo e i cołori zało-vioła i ze el sìnboło raprezentadivo de i Lakers.

Nasesti inte el 1946 cuando che Ben Berger e Maurizio Chalfen i ga cronpà i Detroit Gems, l'ano dopo i ga suito vinto bone partìe co Jim Pollard, Herm Schaefer e George Mikan. Fin al 1959 i ga vùo davero ani òtemi, vinsendo el canpionado par tre ani drio man, e pian pian A se ga afermà ła só stòrega rivałità co i Boston Celtics: vendo in scuadra zogadori come Jerry West, Elgin Baylor e sora de tuto Wilt Chamberlain, i se ga afermà come ła pó forte de tuta ła NBA par tanti ani.

Inte el 1974 i ga cronpà Lew Alcindor (o sìa Kareem Abdul-Jabbar), el zogador pì forte in chiłi ani, che el ga anca vinto el tìtoło de MVP, che a cueło A se ga zontà Earvin “Magic” Johnson fazendo sì che i Lakers i fose boni de vìnsar altri canpionadi mostrando a tuti un bel zogo e na padronansa del canpo che nesun el podeva suparar.

Dopo vinti ani de atività Abdul-Jabbar el se ga retirà e par un fià de tenpo i Lakers i ga pensà a recostruirse: A ze rivà Shaquille O’Neal e Kobe Bryant, el “Black mamba”, che intra'l 2000 e'l 2002 i ga senpre vinto el canpionado NBA grasie al stòrego ałenador Phil Jackson. Dopo che O'Neal el se ga retirà, i Lakers i se ga dovùo reinventar sindo senpre boni de vìnsar n'altro tìtoło inte el 2009 senpre co Bryant protagonista.

Inte 'sti ùltemi ani i ze drio vìvar na faze crìtega e de pasajo: Bryant el se ga retirà inte el 2021 e i Lakers i ze drio catar na strada.

• Wikimedia Commons el detien imàjini o altri file so Los Angeles Lakers
• Scholia el detien schemi gràfeghi so Los Angeles Lakers