Gàtoło

In costrusion idràułega, el gatoło^[1], (dixesto anca sexiło o tonbin) el xe al cuèrcio, de solito de sagoma tonda o retangolar, dei poseti de linea de acuedoti e fogne (negre e piovane) e de le linee eletreghe e telefoneghe.

I xe fati de diversi materiai cofa aciaio, ghixa bisa e ghixa sferoidal; na olta gnea doperà anca la piera.

Deso i gàtołi i xe regolamentadi da ła norma UNI EN 124^[2].

La UNI EN 124 la stabilise che i materiai da doperar par la fabricasion dei dispoxitivi de ciuxura e de coronamenti i pol èser i seventi:

• ghixa bisa
• ghixa sferoidal
• geti di aciaio
• aciaio laminà
• un dei sora-diti materiai in conpagnia co el cimento
• cimento armà.

La UNI EN 124, secondo la xona de inpiego, la divide i gàtołi inte le seventi categorie:

• A15: xone esclusivamente pedonai e ciclisteghe - superfici paragonabili a spasi verdi (Sforso de rotura 15 kN);
• B125: Marciapie - xone pedonai verte ocaxionalmente al tràfego - aree de parchejo e parcheji a pì piani par autoveicułi (sforso de rotura 125 kN);
• C250: Cunete ai rìxeghi de le strade che i se slonga al màsemo infin a 0,5m so le corsie de circolasion e fin a 0,2m so i marciapie - banchine stradai e parcheji par autoveicoi pexanti (sforso de rotura 250 kN);
• D400: Vie de circolasion (strade provinciai e statai) - aree de parchejo par tuti i tipi de veicoi (sforso de rotura 400 kN);
• E600: Aree speciai par sforsi partegołarmente grandi, par exenpio porti e aeroporti (sforso de rotura kN 600).

1. ↑ Gàtoło inte el gałepinelgalepin.com.
2. ↑ Edil-centro - profondimento so UNI EN 124edil-centro.com.

• Acuedoto
• Fogna

• Wikimedia Commons el detien imàjini o altri file so Sigilo