Angelo Querini

Angelo Querini

Biografia
Nasimènto	31 de lujo del 1721 Venèsia (Itàlia)
Mòrte	30 de disenbre del 1796 (75 ani) Venèsia (Itàlia)
Atività
Laóro	pułìtego

Angelo Querini (Venesia, 1721 – Venesia, 1796) xe stà un [[połitego |połitego]] [[Republica de Venesia |venesian]]. El gera in patrisio del ramo dei Querini de San Severo. El xe sta senador e el ga coerto ancha altre inportanti cariche inte ła Republica de Venesia. Convinto sostenitore de łe idee de rinovamento, el se ga butà col partio dei riformadori che el xe 'ndà fore regołarmente batù fin a ła nomina de ł'ultimo doxe Ludovico Manin che no el xe riusìo a fermar el tramonto de ła Republica, pasando a ła storia come exempio de conservatorismo miope e arogante.

Ła so asion de contrapoxision a ł'ała moderata ła se ga risolto inte na carcerasion durà du ani, a partir da ł'agosto 1761, pasà inte ła prexon de Castelvecio (adeso Muxeo Civico) a Verona. El sospeto de esaere portatore de idee łiberałi el gera aconpagnà a queło de aver aderìo a ła masoneria.

Disgustà da ła vita połitega el se ga ritirà, praticamente ai aresti domiciliari, inte ła so viła de Altichiero Padova che ła xe diventà on exenpio parecio noto in Eoropa de domus patrizia de canpagna, posto indove i se catava i intełetuałi e sałoto cultural. Ła viŁa ła xe sta abełìa inte el tenpo da parece statue e ła so strutura ła xe sta tramandà da on livro (Alticchiero, Padova 1787) scrito da Giustiniana Wynne.

Apasionà de architetura, che in quei ani ła diventava de frecuente veicoło de circołasion de łe idee nove, el se ga dedicà a costruir inte ła viła on retrait philosophique, come łs oservava acutamente ła Wynne.

Altichiero el xe sta ł'exenpio de quel utopismo agrario che el ga intrigà parecio in quel periodo i intełetuałi che i se stava verzendo a łe idee iłuministe.

Ła viła de Altichiero ła xe 'ndà distrutta e adeso a non resta pì gnente.

• Wikimedia Commons el detien imàjini o altri file so Angelo Querini
• Scholia el detien schemi gràfeghi so Angelo Querini