Ilyos Mallayev
Ilyos Mallayev (12-yanvar 1936-yil, Marv, Turkmaniston – 2-may 2008-yil, Nyu-York, AQSH) — oʻzbek-yahudiy shoiri, xonanda, dramaturg, soʻz ustasi va bastakor. Oʻzbekiston SSRda xizmat koʻrsatgan artist. Oʻzbekiston xalq artisti Muhabbat Shamayevaning turmush oʻrtogʻi.
| Ilyos Mallayev | |
|---|---|
 Ilyos Mallayevning Nyu York shahri Yahudiy qabristondagi qabri | |
| Asl ismi | Ilyamani Malayev |
| Tavalludi |
12-yanvar 1936-yil |
| Vafoti |
2-may 2008-yil (72 yoshda) Nyu-York, AQSH. |
| Kasbi | Shoir, qoʻshiqchi, dramaturg, bastakor. |
| Ijod qilgan tillari | buxoro-yahudiylari tili, o'zbekcha, tojikcha, forscha, armyamcha, ruscha |
| Fuqaroligi | SSSR |
| Turmush oʻrtogʻi | Muhabbat Shamayeva |
Ijodi
tahrirIlyos Mallayev (Ilyamani Malayev) Turkmaniston SSRning Marv shahrida yahudiy oilasida dunyoga kelgan. Uning ota-onasi Efraim va Yelizaveta Malayevlar.
Shoir, dramaturg, bastakor, mohir sozanda va soʻz ustasi, Shashmaqom bilimdoni, yahudiy ziyolisi Ilyos Mallaev oilasi bilan Oʻzbekistondan AQSHga 1992-yilda doimiy yashash uchun koʻchib ketgan. Nyu-Yorkda u rasman “Shashmaqom” ansamblini tuzadi. Uning rafiqasi, Oʻzbekiston xalq artisti Muhabbat Shamayeva ansambl solistlaridan biri boʻlgan.
Turkmaniston SSRning Marv shahrida tugʻilgan boʻlsa-da, Ilyos Mallaev oʻzining koʻplab qoʻshiqlarida oʻzbek xalqini madh etgan. U oʻzbek xalqining cheksiz mehrini qozongan, el-u yurtga tanilgan sanʼatkor edi: katta-yu kichik uning muxlisi boʻlgan.
Uning sheʼriyat borasidagi ijodi “Shiru shakar/Sut va shakar/Devon” oʻzbek va tojik tillarida yozilgan sheʼrlar toʻplamida oʻz aksini topgan.
Ilyos Mallaev rus, fors, arman, ozarbayjon, tojik, oʻzbek va buxoro-yahudiy tillarini bilgan.
Ilyos Mallaev 2-may 2008-yilda Nyu-Yorkda pankreatik bez saratonidan vafot etdi. Shoir 4-may kuni Nyu-Yorkning Queens yahudiy “Mount Carmel” qabristonida dafn etildi.
Asarlari
tahrir- Mallayev, Ilyos. Shiru shakar. She'rlar. Nyu-York shahrida, 1994.
- Mallayev, Ilyos. Sadoi dil/Qalb sadosi/Devon. She'rlar. Nyu-York shahrida, 1996.