ارون جیٹلی

ارون جیٹلی
(ہندی میں: अरुण जेटली)
مناصب
وزیر قانون و انصاف
برسر عہدہ 29 جولا‎ئی 2003  – 22 مئی 2004
قائد حزب اختلاف، راجیہ سبھا (15  )
برسر عہدہ 3 جون 2009  – 26 مئی 2014
جسونت سنگھ   غلام نبی آزاد
وزیر دفاع
برسر عہدہ 26 مئی 2014  – 9 نومبر 2014
اے کے انٹونی   منوہر پاریکر
وزیر خزانہ
برسر عہدہ 26 مئی 2014  – 30 مئی 2019
پی جدمبرم   نرملا سیتارمن
وزیر دفاع
برسر عہدہ 13 مارچ 2017  – 3 ستمبر 2017
منوہر پاریکر   نرملا سیتارمن
رکن راجیہ سبھا [1]
رکن مدت 3 اپریل 2018  – 24 اگست 2019
حلقہ انتخاب	اتر پردیش
نریش اگروال
معلومات شخصیت
پیدائش	28 دسمبر 1952ء [2]  نئی دہلی
وفات	24 اگست 2019ء (67 سال)[3]  آل انڈیا انسٹیٹیوٹ آف میڈیکل سائنس، دہلی [4]
وجہ وفات	سرطان
طرز وفات	طبعی موت
شہریت	بھارت [5]
جماعت	بھارتیہ جنتا پارٹی [1]
عملی زندگی
مادر علمی	دہلی یونیورسٹی شری رام کالج آف کامرس فیکلٹی آف لا
پیشہ	سیاست دان [5]،  وکیل ،  ترجمان ،  تزویر کار
اعزازات
سی این این نیوز 18 انڈین آف دی ائیر (2014) بانگا بیبھوشن (2010) نمایاں ماہرِ پارلیمانی امور اعزاز (2010)
ویب سائٹ
ویب سائٹ	باضابطہ ویب سائٹ
درستی - ترمیم

ارون جیٹلی (پیدائش: 28 دسمبر 1952ء– وفات: 24 اگست 2019ء)^[6] ایک بھارتی سیاست داں، وکیل اور سابق وزیر معاشیات و وزیر دفاع تھے۔ وہ بھارتی حکومت میں معاشیات اور کارپوریٹ امور کے وزیر رہے، بھارتیہ جنتا پارٹی کے رکن ہوتے ہوئے، ماضی میں باجپائی حکومت (2004-1998) کے دوران میں جیٹلی نے معاشیات و کارپوریٹ امور، تجارت و صنعت، قانون و انصاف کابینہ کے محکموں کا جائزہ لیا تھا اور نریندر مودی کی حکومت میں وزیر دفاع کے طور پر اپنی اضافی خدمات انجام دیں۔ مزید راجیہ سبھا میں 2009ء سے 2014ء کے درمیان میں حزب اختلاف کے قائد کے طور پر اپنی خدمات پیش کیں، وہ بھارتی عدالت عظمیٰ کے سینیئر وکیل بھی تھے۔

نریندر مودی میں ان کے وزارت خزانہ کے دور میں کئی اہم فیصلے کیے گئے ہیں جن میں نوٹ بندی، جی ایس ٹی کا نفاذ اور فرانسیسی کمپنی کا متنازع رافیل معاہدہ شامل ہے۔ وہ 2009ء تا 2014ء راجیہ سبھا میں وزیر حزب اختلاف رہے۔^[7][8] ارون جیٹلی بھارتی عدالت عظمیٰ میں سینئر کونسل تھے۔^{[7][8][9][10][11]} 2019ء میں مودی کی دوسری حکومت بننے کے بعد انھوں اپنی خرابی صحت کا حوالہ دیتے ہوئے مودی کی دوسری وزارت میں شرکت کرنے سے معذرت کرلی۔^[12][13]

ارون جیٹلی کی ولادت 28 دسمبر 1952ء کو دہلی میں ہوئی۔ ان کے والد مہاراج کشن جیٹلی پیشہ سے وکیل تھے اور والدہ پربھا جیٹلی امور خانہ داری کی ذمہ دار۔^[14] ابتدائی تعلیم سینٹ زیوئر اسکول، دہلی میں (1957ء تا 69) حاصل کرنے کے بعد^[15] سری رام کالج، نئی دہلی سے 1973ء میں تجاریات میں آنرس ڈگری (بی کام) حاصل کی۔ 1977ء میں دہلی یونیورسٹی سے فاضل قانون کا امتحان پاس کیا۔ 1970ء کی دہائی میں تو دہلی یونیورسٹی میں اکھل بھارتیہ دیارتھی پریشد کے لیڈر تھے اور بعد میں دہلی یونیورسٹی میں انجمن طلبا کے صدر بھی بنے۔ ایمرجنسی (1975ء-77ء) کے دوران میں جب بنیادی حقوق ^[16] بھی سلب کرلئے گئے تھے جیٹلی کو 19 ماہ کے لیے حفاظتی حراست میں لے لیا گیا تھا۔ راج نارائن اور جے پرکاش نارائن کی بد عنوانی مخالف تحریک میں وہ اہم لیڈر تھے۔ بعد میں انھوں نے بھارتیہ جن سنگھ میں شمولیت اختیار کرلی۔ 1977ء میں کانگریس کو شکست ہوئی اور جیٹلی کو دہلی اے بی وی پی کا صدر نامزد کر دیا گیا۔ 1980ء کے بعد وہ بھارتیہ جنتا پارٹی کے مستقل رکن بن گئے۔^[17]

1987ء کے بعد سے اب تک وہ بھارتی عدالت عظمیٰ اور کئی عدالت ہائے علیا میں اپنی قانونی خدمات دے چکے ہیں۔^[7] 1990میں دہلی عدالت عالیہ نے انھیں سینئر کونسل کے اعزاز سے سرفراز کیا۔^[8][18] 1989ء میں وی پی سنگھ نے انھیں ایڈیشنل سولیسیٹر جنرل کے عہدہ پر فائز کیا اور انھوں نے بوفورس معاملہ میں تحقیق میں حصہ لیا۔^[19][17] ان سے قانونی خدمات لینے والوں میں جنتا دل کے شرد یادو سے لے کر انڈین نیشنل کانگریس کے مادھو راو تک شامل ہیں۔ بھارتیہ جنتا پارٹی کے لال کرشن اڈوانی نے بھی ان کی قانونی صلاحیت سے استفادہ کیا ہے۔ انھوں نے قانون اور حالات حاضرہ پر کئی کتابیں بھی تصنیف کی ہیں۔ 1998ء میں انھوں نے اقوام متحدہ جنرل اسمبلی میں حکومت ہند کی نمائندگی کی تھی جس میں ڈرگ اور پیسہ کے غلط استعمال کے متعلق قوانین منظور ہوئے تھے۔^[20][21] سال 2002ء میں وزیر برائے قانونی امور رہتے ہوئے بھی انھوں نے عدالت میں پیپسیکو کی نمائندگی کی اور عدالت نے سلسلہ کوہ ہمالیہ کی سڑکوں پر غیر قانونی اشتہار لگانے کے جرم میں 8 کمپنیوں پر جرمانہ عائد کر دیا تھا۔^[22] سال 2004ء میں بھی جیٹلی نے راجستھان عدالت عالیہ میں کوکا کولا مشروب کی نمائندگی کی۔^[23] جون 2009ء میں راجیہ سبھا حزب مخالف لیڈر بننے کے بعد انھوں نے قانون دانی چھوڑ دی۔^[24]

جیٹلی سال 1991ء سے بھارتیہ جنتا پارٹی کے رکن ہیں۔^[25] 1999ء کے انتخابات کے دوران میں وہ بی جے پی کے ترجمان تھے۔

1999ء میں قومی جمہوری اتحاد کی زیر نگرانی واجپائی حکومت میں جیٹلی کو وزیر برائے انفارمیشن ٹیکنالوجی (آزاد چارج) بنایا گیا۔ اس کے علاوہ وہ قانونی وزیر بھی رہے۔ 2000ء میں انھیں کابینہ میں شامل کر لیا گیا اور قانون کے ساتھ کمپنی افیئرس اور شپنگ کی وزارت بھی انھیں دی گئی۔ مئی 2004ء میں نی جے پی کو شکست ملی اور جیٹلی پارٹی کے جنرل سکریٹری بن گئے اور وکالت پھر سے شروع کردی۔

3 جون 2014ء کو اڈوانی نے انھیں راجیہ سبھا میں حزب مخالف لیڈر نامزد کیا جس کے بعد انھوں نے جنرل سکریٹری کے عہدہ سے استعفی دے دیا۔^[26] راجیہ سبھا میں انھوں نے اپنے عہدہ کا خوب فائدہ اٹھایا اور خواتین ریزرویشن بل کے بحث میں حصہ لیا، اسی طرح انا ہزارے جن لوک پال بل کی بھی خوب حمایت کی۔^[17] انھوں نے 2002ء میں آئین ہند کی 84ویں ترمیم کو کامیابی کے ساتھ متعارف کرایا جس کی رو سے پارلیمان کی نشستوں کو 2026ء تک کے لیے غیر متحرک بنا دیا گیا۔^[27] اسی طرح 2004ء میں آئین ہند کی 91ویں ترمیم کو بھی متعارف کرایا جس کی رو انحراف کو قابل مواخذہ عمل تسلیم کیا گیا۔^[28]

وہ 1980ء سے پارٹی کے رکن رہے مگر 2014ء تک انھوں نے کبھی انتخابات میں حصہ نہیں لیا۔ بھارت کے عام انتخابات، 2014ء میں نوجوت سنگھ سدھو کی جگہ امرتسر لوک سبھا حلقہ سے انھیں بی جے پی کا امیدوار نامزد کیا گیا لیکن وہ انڈین نیشنل کانگریس کے امریندر سنگھ سے ہار گئے۔ تب انھیں گجرات سے راجیہ سبھا کا رکن بنایا گیا۔ مارچ 2018ء میں انھیں اتر پردیش سے راجیہ سھا کا رکن منتخب کیا گیا۔^[29]

26مئی 2014ء کو بی جے پی نے کانگریس کا دس سالہ طلسم توڑا اور نریندر مودی وزیر اعظم بھارت نامزد کیے گئے۔ جیٹلی کو کابینہ میں شامل کرتے ہوئے وزیر مالیات، وزیر برائے امور صنعت اور وزیر دفاع بنایا گیا۔^[30][31] ماہرہن و مبصرین کا کہنا ہے کہ جیٹلی کا بحیثیت وزیر دفاع پارٹ ٹائم کام کرنا گذشتہ حکومت کی پالیسیوں کو جاری رکھنے کی وجہ سے تھا۔ ^[32] ویکی لیکس کے ایک خلاصہ میں پتہ چلا کہ جیٹلی نے امریکی سفارت خانہ اور حکومت ہند معاملہ میں کہا تھا کہ ہندو قومیت کا مدعا ہمیشہ زیر بحث رہے گا اور اسے موقع بہ موقع استعمال کیا جاتا رہے گا۔^[33] جیٹلی نے بعد میں واضح کیا کہ فائدہ کے لیے استعمال کرنے جیسا لفظ نہ تو میرا ہے اور نہ میرا یہ موقف ہے۔^[34]

نومبر 2015ء میں جیٹلی نے کہا کہ شادی اور طلاق سے متعلق پرسنل لا کو بنیادی حقوق میں شمال کیا جاتا چاہیے کیونکہ دستوری میں مہیا کرائے گئے حقوق بالا تر ہیں۔^[35] انھوں نے ستمبر 2016ء میں انکم ڈکلیریشن اسکیم، 2016ء کا اعلان کیا۔^[36]

2016ء میں بحیثیت وزیر مالیات انھوں نے نوٹ بندی کا اعلان کر دیا جس کی رو سے موجودہ 500 اور 1000 کے کرنسی نوٹ منسوخ قرار دئے گئے۔ انھوں نے یہ قدم بد عنوانی، کالا بازاری، جعلی کرنسی اور دہشت گردی پر لگام لگانے کے لیے اٹھایا تھا۔^[37]

20 جون 2017ء کو انھوں نے معیشت کو پٹری پر لانے کے لیے جی ایس ٹی کا اعلان کر دیا۔^[38]

ٹوڈ جی سیرس نے ارون جیٹلی کو ایل جی بی ٹی کے لیے ماہر طور پر نامزد کیا جنھوں نے اس موضوع پر کھل کر بات کی۔^[39]

29 مئی 2019ء کو ارون جیٹلی نے وزیر اعظم نریندر مودی کو ایک خط لکھا جس میں انھوں نے اپنی خرابی صحت کا حوالہ دیتے ہوئے حکومت میں فعالیت سے معذوری کا اظہار کیا اور وہ مودی کی دوسری وزارت کا حصہ نہیں رہے۔^[40]

ارون جیٹلی نے جموں و کشمیر کے سابق سیاست دان اور وزیر مالیات گردھاری لال دوگرا کی بیٹی سنگیتا سے 24 مئی 1982ء میں شادی کی۔ ان کی دو اولادیں ہیں: روہن اور سونالی۔ سونالی نے جییش بخشی سے شادی کی۔^{[41][7][42][43]} ان کے دونوں بچے وکیل ہیں۔ جیٹلی کے دو بھائی بہن ہیں۔^[44] جنوری 2019ء کو جیٹلی سوفٹ ٹیشو سرکوما جیسی نایاب بیماری کے شکار ہوئے اور نیو یارک میں علاج کے لیے گئے۔^[45]

9 اگست 2019ء کو انھیں آل انڈیا انسٹی ٹیوٹ آف میڈیکل سائنسز، نئی دہلی میں داخل کرایا گیا۔ انھیں سانس میں تکلیف کی شکایت تھی۔^[46][47] 17اگست کو خبر آئی کہ انھیں لائف سپورٹ پر رکھا گیا ہے۔^[48] 23 اگست کوان کی حالت اور نازک ہو گئی۔^[49] ان کی وفات بھارتی معیاری وقت کے حساب سے 12:47 شام، 24 اگست 2019ء کو ہوئی۔ کل عمر 66 سال پائی۔^[50][51] پسماندگان میں اہلیہ سنگیتا جیٹلی، بیٹا روہن جیٹلی اور بیٹی سونالی جیٹلی بخشی ہیں۔^[52]

• نریندر مودی کی وزارت