Pagmamanang Mendeliano
Ang pagmamanang Mendeliano, na nakikilala rin bilang henetikang Mendeliano, Mendelismo, o Monohenetikong pagmamana, ay ang teoriyang siyentipiko kung paanong ang mga namamanang katangian ay naipapasa mula sa mga organismong magulang tungo sa mga supling nito. Ito ang pinagsasaligan ng karamihan ng henetika. Ang balangkas na teoretikal na ito ay simulang hinango mula sa gawa ni Gregor Johann Mendel na inilimbag noong 1865 at 1866 at muling natuklasan noong 1900. Sa simula ay napaka-kontrobersiyal nito. Nang isinama ang mga teoriya ni Mendel sa teoriyang kromosoma ng pagmamana ni Thomas Hunt Morgan noong 1915, ang mga ito ay naging kaibuturan ng klasikong henetika.
