Istat
 Punong-tanggapan ng Istat sa Roma | |
| Buod ng Institusyon | |
|---|---|
| Pagkabuo | 1926 |
| Kapamahalaan | Pamahalaang Italyano |
| Punong himpilan | Roma, Italya |
| Tagapagpaganap Institusyon |
|
| Websayt | istat.it/en/ |
Ang Pambansang Institusyon ng Estadistika ng Italya (Istat; Ingles: Italian National Institute of Statistics, Italyano: Istituto Nazionale di Statistica) ay ang pangunahing gumagawa ng opisyal na estadistika sa Italya.[1]
Kasama sa mga aktibidad nito ang senso ng populasyon, mga ekonomikong senso at ilang mga pagsisiyasat at pagsusuri sa lipunan, ekonomiya at kapaligiran. Ang Istat ay sa ngayon ang pinakamalaking tagalikha ng estadistikal na impormasyon sa Italya, at isang aktibong miyembro ng Sistema ng Estadistika ng Europa, na pinag-ugnay ng Eurostat.[2]
Ang mga publikasyon nito ay inilabas sa ilalim ng lisensyang Creative Commons "Attribution" (CC BY).[3]
Organisasyon
[baguhin | baguhin ang wikitext]Marami at mahalaga ang mga indibidwal na kasangkot sa pangangasiwa ng institusyon:
- Pangulo: itinalaga ng Pangulo ng Republika ng Italya sa panukala ng Pangulo ng Konseho ng mga Ministro pagkatapos ng pag-apruba ng mismong Konseho ng mga Ministro, ang kanyang termino ay tatagal ng apat na taon at maaari itong muling mahirang nang isang beses lamang. Siya ang may pananagutan sa pagganap ng institusyon at sa teknikal at siyentipikong koordinasyon nito.[4][5]
- Komite sa Koordinasyon ng Impormasyon sa Paggawa ng Patakaran at Estadistika, na ang termino ay tatagal ng apat na taon, na binubuo ng 15 miyembro kabilang ang Pangulo, ay nagsasagawa ng iba't ibang tungkulin.[5]
- Lupon ng Namamahala, na namamahala at nangangasiwa sa bawat aktibidad na isinasagawa ng institusyon. Ang Lupong Tagapamahala ay binubuo ng Pangulo ng organisasyon gayundin ng siyam pang mga miyembro.[5]
- Lupon ng mga Tagasuri, na sinisiguro na ang pangwakas na talautangan ay lubusang sumusunod sa mga nakaraang talaan ng pagtutuos. Ang termino nito ay tumatagal ng tatlong taon at binubuo ng isang mahistrado ng Konseho ng Estado na nagsisilbing pangulo nito, gayundin ng isang tagapagpaganap ng Panguluhan ng Konseho at isa mula sa Ministro ng Ekonomiya at Pananalapi.[5]
Mga sanggunian
[baguhin | baguhin ang wikitext]- ↑ "About Italian National Institute of Statistics" [Patungkol sa Pambansang Institusyon ng Estadistika ng Italya] (sa wikang Ingles). Istat. Inarkibo mula sa orihinal noong Disyembre 26, 2018. Nakuha noong 2015-04-26.
{{cite web}}: CS1 maint: date auto-translated (link) - ↑ "Who's who". ec.europa.eu (sa wikang Ingles). Inarkibo mula sa orihinal noong 2021-01-06. Nakuha noong 2020-10-11.
{{cite web}}: CS1 maint: date auto-translated (link) - ↑ "Note legali: responsabilità e licenza" [Mga Ligal na Tala: Pananagutan at Lisensya]. www.istat.it (sa wikang Italyano). Nakuha noong 2020-10-11.
{{cite web}}: CS1 maint: date auto-translated (link) - ↑ "President" [Pangulo]. www.istat.it (sa wikang Ingles). Nakuha noong 2020-11-13.
{{cite web}}: CS1 maint: date auto-translated (link) - ↑ 5.0 5.1 5.2 5.3 "Organisation" [Organisasyon]. www.istat.it (sa wikang Ingles). Nakuha noong 2020-11-13.
{{cite web}}: CS1 maint: date auto-translated (link)